Тибқи гузоришҳои расида имрӯз дар Бағдод бар асари бархӯрдҳои мусаллаҳона миёни ҷангҷӯён ва нерӯҳои ироқӣ камаш 20 кас кушта ва 50 нафари дигар маҷрӯҳ шуданд. Дар ин бархӯрд нерӯҳои ИМА сарбозони ироқиро дастгирӣ кардаанд.
Муноқишаи мусаллаҳона дар яке аз маҳаллаҳои қашшоқи шаҳраки Садр ба вуқӯъ пайвастааст, ки дар натиҷаи он калонтарин бозори озуқаи Бағдод-бозори Ҷамила ба коми оташ кашида шуд. Шаҳраки Садри Бағдод пойгоҳи рӯҳонии шиамазҳаби зиддиамрикоӣ Муқтадо Ас-Садр мебошад.
