Раисиҷумҳури Фаронса Никола Саркозӣ, ки дар рӯзи аввали сафари расмиаш ба Бритониё дар баробари ҳарду маҷлиси парлумони он кишвар суханронӣ мекард, гуфт, Фаронса дар нишасти ҳафтаи ояндаи паймони низомии НАТО дар Бухарест афзоиши ҳузури низомиаш дар Афғонистонро пешниҳод хоҳад кард. Фаронса феълан дар Афғонистон 1600 сарбоз дорад, вале Саркозӣ мушаххас накард, ки ин нирӯҳо ба чӣ теъдоде афзоиш дода хоҳанд шуд.
Президенти Фаронса ҳамчунин ба гуфтугӯи байни Чин ва раҳбари тибетиҳо Далай Лама даъват кард.