Дар ҳоле ки то таҷлили расмии Наврӯзи байналмилалӣ се рӯзи дигар боқӣ мондааст, сокинони Файзобод оташи дегҳоро баландтар кардаанд, то ҳарчӣ зудтар суманакро пӯхта ва соли навро бо ширинӣ истиқбол гиранд.
Сокинини рустои Ҷавонони ноҳияи Файзобод ба хабарнигорони Радиои Озодӣ гуфтанд, дар айёми Наврӯз ду навъи суманак омода мекунанд, ки ба қавли онҳо яке – "атолаи дегӣ" ном дорад ва дигаре мисли кӯлчаҳои танӯрист.
Баҳору Наврӯзи як рустои Файзободро дар ин навори видео бубинед ва бигӯед, дар маҳалли Шумо дар ин рӯзҳо барои Наврӯз чӣ гуна омода мешаванд.
