Ба қавли расонаҳо ва коршиносон, сар аз 20-уми октябр аксари иншооти марбут ба Гулнора Каримова -- духтари раисиҷумҳури Узбакистон Ислом Каримов мавриди тафтишу бозрасӣ қарор гирифта, ҳисоби бонкии аксари онҳо ва ҳам бинои қаҳвахонаю ресторанҳо, чаҳор шабакаи радио ва телевизионии ӯ баста шудаанд. Ҷашнворае, ки ӯ ахиран баргузор кард, аз сафҳаи рӯзномаву маҷаллаҳо афтод ва бе сарусадо ба поён расид.
Акнун ягона ҷойе, ки 24 соат Гулнора Каримова дар он ҳузур дорад, шабакаи иҷтимоии Твиттер аст, ки пештар ҳам ба ҳайси яке аз сарчашмаҳои нашри ахбори марбут ба ӯ истифода мешуд. Дунбол кардани микроблоги ӯ хабарҳои ҷолиберо расонаӣ мекунад ва шояд сабаби асосии ҳадафи фишор қарор гирифтанаш ҳам дар ҳамиин ҷо рӯшӯан гардад.
