Бозии аввали дӯстона миёни дастаҳои олимпии Имороти Муттаҳидаи Арабӣ ва Тоҷикистон рӯзи ҷумъаи 15-уми ноябр дар шаҳри Дубай баргузор мешавад. Рӯзи душанбеи 18-уми ноябр дастаҳо дар Дубай бозии дуюми дӯстонаро баргузор мекунанд.
Бояд гуфт, ки марҳилаи интихобии Ҷоми Осиё-2026 байни дастаҳои олимпии то 23-сола аз 1-ум то 9-уми сентябри соли 2025 баргузор мешавад.
Бозиҳои дӯстона
15-уми ноябр (ҷумъа)
Имороти Муттаҳидаи Арабӣ - Тоҷикистон
Дубай, Имороти Муттаҳидаи Арабӣ
18-уми ноябр (душанбе)
Имороти Муттаҳидаи Арабӣ - Тоҷикистон
Дубай, Имороти Муттаҳидаи Арабӣ
Ёдовар мешавем, дастаи мунтахаби ҷавонони Тоҷикистон (U-23) имсол дар марҳилаи ниҳоии Ҷоми Осиё-2024 дар Қатар дар гурӯҳи “С” дар ду бозӣ аз тимҳои Арабистони Саудӣ ва Ироқ бо ҳисоби якхелаи 2:4 шикаст хӯрда, бар тими Тайланд бо ҳисоби 1:0 ғолиб омад.
Футболбозони ҷавони тоҷик бо касби се имтиёз дар гурӯҳи худ ҷойи сеюмро гирифта, натавонистанд ба даври чорякниҳоии мусобиқот роҳ пайдо кунанд.
Зимнан, тими ҷавонони то 23-солаи Тоҷикистон, ки ду бор (солҳои 2022 ва 2024) дар марҳилаи ниҳоии Ҷоми Осиё иштирок кардааст, ин дафъа низ натавонист аз гурӯҳи худ барояд. Бинобар ин, сармураббии даста Мубин Эргашев аз вазифааш истеъфо дод.
Гуфтугӯ