Хабарнигорони “Важные истории” нусхаи ин дастур ва феҳрасти гурӯҳи одамонеро дастрас кардаанд, ки мақомоти Русия мехоҳанд онҳоро ба ҷанг баранд. Ба ин феҳрист 22 гурӯҳи одамонро шомил кардаанд.
Аз ҷумла, маҳкумшудаҳо ба ҳабс, муҳоҷирон, қарздорон, муфлисшудаҳо, бекорон, хориҷиёне, ки дар интизори шаҳрвандии Русия ҳастанд ё хориҷиёни дорои шаҳрвандии Русия, онҳое, ки дар интизори қарори ихроҷ ҳастанд, афроде, ки тоза аз зиндон озод шудаанд ва афроде, ки даромади расмӣ надоранд ва аз соли 2022 андози давлатро пардохт накардаанд.
Чанд ҳомии ҳуқуқ мегӯяд, қарори мазкур барои муҳоҷирони тоҷик ҳам паёмади нохуб хоҳад дошт. Ба назари онҳо муҳоҷирони тоҷик аз ҳимояти каме бархӯрдоранд, бештар аз дигарон мавриди таъқиб қарор мегиранд ва шумораи онҳо дар боздоштгоҳҳои махсус зиёд аст.
Ҷузъиёти ин қарор ва паёмадҳои эҳтимолии он ба муҳоҷирон дар Русияро хабарнигори Радиои Озодӣ Мирзонабии Холиқзод шарҳ медиҳад.
Гуфтугӯ