Георгий Меликян, вакили дифои шаҳрдори собиқ дар суҳбат ба бахши арманиии Радиои Озодӣ гуфт, Базеян худро бегуноҳ ва парвандаашро сиёсӣ меномад.
Базеян ва ҳафт узви созмони низомӣ-ватандустии "Крестоносцы" 23-юми сентябр дар Арманистон дастгир шуданд. Онҳо дар омодагӣ ба ғасби қудрат ва сӯиқасд ба ҷони сарвазири он кишвар муттаҳам мешаванд.
Дар Ереван эътирозҳо бо талаби истеъфои Никол Пашинян идома доранд. Тибқи иттилои хабаргузории русии "Интерфакс", пулис субҳи 26-уми сентябр 32 тазоҳургарро, ки мехостанд, хиёбони марказии шаҳрро банданд, дастгир кардааст.
Ҳафтаи гузашта дар натиҷаи як амалиёти низомии Озарбойҷон, мақомоти армании ҷумҳурии худхондаи Қаробоғи Кӯҳӣ, ки беш аз 30 сол боз вуҷуд дошт, ба Боку таслим шуданд. Мухолифони Арманистон мегӯянд, ба ин сиёсатҳои Пашинян сабаб шудааст.