Дастаи мунтахаби футболи ҷавонони то 20-солаи Тоҷикистон дар марҳилаи ниҳоии Ҷоми Осиё-2023 дар бозии охиринаш дар гурӯҳи «С» имрӯз, 8-уми март, дар Тошканд бо тими Кореяи Ҷанубӣ рақобат мекунад. Ин бозӣ дар варзишгоҳи «Бунёдкор» соати 17:00 оғоз меёбад.
Дар бозии дигари даври ниҳоии марҳилаи гурӯҳӣ дар гурӯҳи «С» имрӯз тими Урдун бо мунтахаби Умон бозӣ мекунад.
Дар ин гурӯҳ баъди натиҷагирии бозиҳои ду даври мусобиқа дастаи Кореяи Ҷанубӣ бо шаш имтиёз мақоми аввалро касб карда, пешакӣ ба даври чорякниҳоӣ роҳ ёфтааст.
Дастаҳои Урдун ва Тоҷикистон, ки сеимтиёзӣ гирифтаанд, мутаносибан дар ҷойҳои дуюму сеюм қарор доранд ва барои роҳхати дуюм ба чорякфинал мубориза мебаранд. Вале мунтахаби Умон, ки бидуни имтиёз дар зинаи охирин – чаҳорум – ҷойгир шудааст, аз ҳаққи ширкат дар даври баъдӣ маҳрум гаштааст.
Ёдовар мешавем, дастаи мунтахаби футболи ҷавонони то 20-солаи Тоҷикистон дар марҳилаи ниҳоии Ҷоми Осиё-2023 дар гурӯҳи «С» дар бозии аввалаш аз тими Урдун бо ҳисоби 0:2 шикаст хӯрда, дар бозии дуюмаш тими Умонро бо ҳисоби 1:0 мағлуб кардааст.
Бояд гуфт, чаҳор дастаи беҳтарини Ҷоми Осиё-2023 дар Узбекистон ба қаҳрамонии ҷаҳон миёни ҷавонони то 20-сола, ки имсол дар Индонезия доир мегардад, роҳхат мегирад.
Мунтахаби ҷавонони Тоҷикистон (U-20) бори панҷум дар қаҳрамонии Осиё ширкат меварзад. Қаблан ҷавонони тоҷик дар ин мусобиқот солҳои 2006, 2008, 2016 ва 2018 иштирок карда буданд. Беҳтарин натиҷаи мунтахаби Тоҷикистон роҳ ёфтан ба чорякфинали ду мусобиқоти охир дар Баҳрайн (2016) ва Индонезия (2018) мебошад.
Зимнан, дар Ҷоми Осиё+2018 мунтахаби ҷавонони Тоҷикистон дар даври чаҳорякниҳоӣ аз мунтахаби Кореяи Ҷанубӣ бо ҳисоби 0:1 мағлуб шуда буд.
Мунтахаби ҷавонони Кореяи Ҷанубӣ дар Ҷоми Осиё-2018 дар Индонезия барандаи медалҳои нуқра гардид. Кореягиҳо дар финал аз мунтахаби ҷавонони Арабистони Саулӣ бо ҳисоби 1:2 шикаст хӯрданд.
Ҷоми Осиё-2023 миёни дастаҳои мунтахаби ҷавонон (U-20):
Гурӯҳи «С»: Кореяи Ҷанубӣ, Тоҷикистон, Урдун, Умон
Даври 1-ум
Тоҷикистон – Урдун – 0:2
Голҳо: Алӣ Аҳмад Ал-Азиз, 7 (0:1). Сайф Аддин Дарвеш, 27 (0:2).
Аз майдон хориҷ шуд: Бакер Калбоуне (Урдун), 1.
2-юми март. Тошканд, варзишгоҳи «Локомотив»
Кореяи Ҷанубӣ – Умон – 4:0
2-юми март. Тошканд, варзишгоҳи «Жар»
Даври 2-юм
Умон – Тоҷикистон – 0:1
Гол: Ҳамадонӣ Камолов, 79.
5-уми март. Тошканд. Варзишгоҳи «Локомотив».
Урдун - Кореяи Ҷанубӣ – 0:2
5-уми март. Тошканд, варзишгоҳи «Жар»
Даври 3-юм
8-уми март (чоршанбе)
Оғози бозӣ – соати 17:00
Кореяи Ҷанубӣ – Тоҷикистон
Тошканд, варзишгоҳи «Бунёдкор»
Урдун - Умон
Ҳайати мунтахаби ҷавонони Тоҷикистон (U-20) дар Ҷоми Осиё-2023 дар Узбекистон:
дарвозабонҳо: 1. Сафармад Ғаффоров («Хатлон»), 16. Шаҳобиддин Маҳмудзода («Динамо»), 23. Суҳробхуҷа Юсупов («Хуҷанд»);
ҳимоятгарон: 2. Фахриддин Аҳтамов («Хуҷанд»), 3. Раҳматшо Раҳматзода («Ҳосилот»), 4. Меҳрубон Ғаффорзода («Равшан»), 5. Содиқҷон Қурбонов («Истиқлол»), 11. Шаҳриёри Иноятулло («Равшан»), 15. Меҳрубон Каримов («Самгурали», Гурҷистон), 19. Асадбек Зиёзода («Истаравшан»);
нимҳимоятгарон: 6. Азизбек Ҳаитов («Хуҷанд»), 7. Салам Ашурмамадов («Думиенсе», Португалия), 8. Ҳамзаҷон Аҳтамов («Истаравшан»), 12. Кабир Салимшоев («Динамо»), 13. Ҳамадонӣ Камолов («Истиқлол»), 14. Салоҳиддин Эргашев («Истиқлол»), 17. Алиҷони Айнӣ («Истиқлол»), 18. Абдулло Шарипов (КМВА), 22. Фатҳулло Олимзода («Равшан»);
ҳамлагарон: 9. Абдулфаттоҳ Худойдодзода («Динамо»), 10. Суннатулло Азизов («Хатлон»), 20. Далер Шарипов («Металлург», Узбекистон), 21. Фаридун Давлатов («Регар-ТадАЗ»).
Сармураббӣ – Олег Кубарев (Беларус).
Гуфтугӯ