Варзишгарони ҷавони тоҷик дар мусобиқаи байналмилалӣ оид ба бокс ба хотираи сарбозони рус, ки дар Афғонистон ва дигар нуқтаҳои доғ кушта шудаанд, ду медал (як тило ва як нуқра) ба даст оварданд.
Ба иттилои сомонаи расмии Федератсияи бокси Русия (rusboxing.ru), дар ин мусобиқаи байналмилалӣ, ки рӯзҳои 12-18-уми феврал дар шаҳри Комсомолски лаби Амур баргузор шуд, муштзанҳои 17-18-сола аз Русия, Беларус, Гурҷистон, Тоҷикистон ва Узбекистон ширкат варзиданд.
Мусобиқаи мазкур бори 18-ум ва ба сифати байналмилалӣ бори нӯҳум сурат гирифт. Муштзанҳои ҷавон аз рӯи 13 дараҷаи вазнӣ рақобат карданд. Дар 11 вазн муштзанҳои русиягӣ ва дар ду вазн меҳмонон пирӯз шуданд.
Дар вазни то 48 кило муштзани тоҷик Меҳроҷ Суфиҷонов ва дар вазни то 86 кило варзишгари узбек Батраз Абдураҳмонов мақоми аввалро касб карданд.
Дар финал Меҳроҷ Суфиҷонов бар Собирҷон Тастанов аз Узбекистон бо ҳисоби 4:1 ва Батраз Абдураҳмонов бар Фёдор Осипов аз Русия бо ҳисоби 3:2 дастболо шуданд.
Дар ин мусобиқа боз як муштзани тоҷик – Нурланбек Эрматов – ба финал роҳ ёфт. Вале ӯ дар қувваозмоии ниҳоӣ дар вазни то 75 кило аз Мохдан Махаури (Русия) бо ҳисоби 0:5 шикаст хӯрда, бо медали нуқра сарфароз гашт.
Натоиҷи қувваозмоиҳои ниҳоӣ:
то 48 кг: Меҳроҷ Суфиҷонов (Тоҷикистон) - Собирҷон Тастанов (Узбекистон) - 4:1
то 51 кг: Вячеслав Рогозин (Русия) - Амин Абдулин (Русия) - 5:0
то 54 кг: Расул Магомедов (Русия) - Самандар Олимов (Узбекистон)
то 57 кг: Егор Колосков (Русия) - Абдуллоҳ Мадаминов (Узбекистон) - 4:1
то 60 кг: Фёдор Чаталбаш (Русия) - Семён Синицин (Русия) - 5:0
то 63,5 кг: Данил Белевитин (Русия) - Бобурбек Бобоҷонов (Узбекистон) - 5:0
то 67 кг: Алексей Гуков (Русия) - Семён Степанов (Русия) - 5:0
то 71 кг: Артём Костин (Русия) - Кристиан Чечуков (Русия) - 3:2
то 75 кг: Мохдан Махаури (Русия) - Нурланбек Эрматов (Тоҷикистон) - 5:0
то 80 кг: Рамазон Магомедхонов (Русия) - Темур Тагиев (Русия) - 3:2
то 86 кг: Батраз Абдураҳмонов (Узбекистон) - Фёдор Осипов (Русия) - 3:2
то 92 кг: Ахмед Расуев (Русия) - Александр Пономарёв (Русия) - 5:0
+92 кг: Исрофил Исломов (Русия) - Батраз Мелдзихов (Русия) - 5:0
Гуфтугӯ