Дастаҳои мунтахаби Хорватия ва Бразилия, ки рӯзи душанбе, 5-уми декабр, дар бозиҳои даври 1/8-ниҳоии Ҷоми ҷаҳонии футбол-2022 дар Қатар рақибонашонро мағлуб карданд, ба чорякфинали мусобиқот роҳ ёфтанд.
Рӯйдодҳо дар Ҷоми ҷаҳонии футбол дар Қатар босуръат инкишоф меёбад. То ба наздикӣ мо тахмин мезадем, ки аз гурӯҳҳо кадом дастаҳо мебароянд ва ҳоло мо аллакай аз чаҳор ҷуфт се ҷуфти чорякфиналро медонем. Рӯзи 5-уми декабр ду бозии даври 1/8- ниҳоии қаҳрамонии ҷаҳон баргузор шуд.
Дастаҳои мунтахаби Ҷопон ва Хорватия бозии пуршиддат анҷом дода, ба нахустин замони изофа дар ин Ҷоми ҷаҳонии футбол расиданд. Аммо дар онҷо ҳам ғолиб муайян нашуд, ҳисоби мусовии 1:1 тағйир наёфт. Бинобар ин силсилаи пеналтӣ таъйин гардид. Маълум шуд, ки асаби хорватҳо мустаҳкамтар ва маҳораташон дар задани тӯб аз ҷаримаи 11-метрӣ хубтар аст, аз ин рӯ онҳо бо ҳисоби 3:1 ғолиб омада, пеш рафтанд.
Боз як тими қораи Осиё – Кореяи Ҷанубӣ бо мунтахаби Бразилия вохӯрд. Ин даста низ аз ҳаққи идомаи мубориза дар чорякфинал маҳрум шуд. Бразилиҳо дар нимаи аввал ҳарифро голборон карда, пас аз танаффус ором шуданд. Куриёиҳо ба чаҳор голи бразилиҳо тавонистанд танҳо бо як гол посух бидиҳанд. Ин шикасти харобиовар роҳи тими Кореяро ба даври чорякниҳоӣ баст. Зимнан, мунтахаби Кореяи Ҷанубӣ охирин дастае аз қораи Осиё буд, ки аз ҳаққи ширкат дар чорякфинали мусобиқот маҳрум шуд.
Ҳамакнун мунтахаби Хорватия бо тими Бразилия дар чорякфинали мусобиқот рӯзи 9-уми декабр бозӣ мекунад.
Ёдовар мешавем, дар рӯзи аввали плей-офф – 3-юми декабр - ба даври баъдӣ дастаҳои мунтахаби Нидерланд ва Аргентина, ки аввалин ҷуфти чорякфиналиро ташкил доданд, роҳхат гирифтанд. Дар даври чорякниҳоӣ Нидерланд бо Аргентина 9-уми декабр ва Фаронса бо Англия 10-уми декабр бозӣ хоҳанд кард.
Натиҷаҳои шаш бозии даври 1/8-ниҳоии мусобиқот, ки рӯзҳои 3-5-уми декабр баргузор шуданд:
Нидерланд – ИМА − 3:1 (2:0)
Голҳо: Депай, 10 (1:0). Блинд, 45+1 (2:0). Райт, 76 (2:1). Дюмфрис, 81 (3:1)
3 декабр. Khalifa International Stadium (Давҳа)
Аргентина – Австралия − 2:1 (1:0)
Голҳо: Месси, 35 (1:0). Алварес, 57 (2:0). Фернандес, 77 – ба дарвозаи худ (2:1).
3 декабр. Ahmad bin Ali Stadium (Ар-Райён)
Голҳо: Жиру, 44 (1:0). Мбаппе, 74 (2:0). Мбаппе, 90+1 (3:0). Левандовский, 90+9 — аз пеналти (3:1).
4 декабр. Al Thumama Stadium (Давҳа)
Англия — Сенегал — 3:0
Голҳо: Ҳендерсон, 38 (1:0). Кейн, 45+3 (2:0). Сака, 57 (3:0).
4 декабр. Al Bayt Stadium (Ал-Ҳавр)
Ҷопон – Хорватия – 1:1, аз рӯи пеналти – 1:3
Голҳо: Маэда, 43 (1:0). Перишич, 55 (1:1)
Силсилаи пеналти: Влашич - (0:1). Брозович - (0:2). Асано - (1:2). Пашалич - (1:3)
5 декабр. Al Janoub Stadium (Ал-Вақра)
Бразилия – Кореяи Ҷанубӣ – 4:1 (4:0)
Голҳо: Винисиус Жуниор, 7 (1:0). Неймар, 13 – аз пеналти (2:0). Ришарлисон, 29 (3:0). Лукас Пакета, 36 (4:0). Пэк Син Ҳо, 76 (4:1)
5 декабр. Stadium 974 (Давҳа)
Дар ду бозии охирини ҳаштякниҳоии Ҷоми ҷаҳонӣ, ки имрӯз, 6-уми декабр, баргузор мешавад, Марокаш бо Испания ва Португалия бо Швейтсария рақобат мекунанд.
1/8 финал
6 декабр, сешанбе
Марокаш - Испания (20:00)
Португалия - Швейтсария (00:00)
Дар Ҷоми ҷаҳонии футбол дар Қатар то ҳоло аз 64 бозӣ 54-тоаш баргузор шуд. 44 бозӣ бо пирӯзии яке аз дастаҳо хотима ёфт, 10 бозӣ бо ҳисоби мусовӣ ё баробар ба анҷом расид. То ҳоло ҳисоби рекордӣ дар бозии дастаҳои Испания ва Коста-Рика мушоҳида гардидааст – 7:0 ба фоидаи Испания.
Мусобиқоти қаҳрамонии футболи ҷаҳон-2022 дар Қатар, ки 20-уми ноябр шуруъ шуд, то рӯзи 18-уми декабр идома хоҳад кард. Бозиҳо дар ҳашт варзишгоҳи панҷ шаҳри Қатар сурат гирифтааст.
Дар марҳилаи гурӯҳӣ 32 дастаи мунтахаб, ки ба 8 гурӯҳи чордастаӣ тақсим шуда буд, барои роҳ ёфтан ба плей-офф мубориза бурд. Марҳилаи гурӯҳӣ 2-юми декабр ба анҷом расид. Дастаҳое, ки дар гурӯҳҳо ҷойҳои якуму дуюмро гирифтанд, ба даври ҳаштякниҳоӣ роҳ ёфтанд.
Тимҳои миллии Фаронса, Бразилия, Португалия, Нидерланд, Сенегал, Англия, ИМА (Иёлоти Муттаҳидаи Амрико), Аргентина, Лаҳистон, Австралия, Ҷопон, Испания, Марокаш, Хорватия, Швейтсария ва Кореяи Ҷанубӣ ба плей-офф баромаданд.
Вале дастаҳои мунтахаби Эквадор, Қатар, Эрон, Уэлс, Мексика, Арабистони Саудӣ, Тунис, Дания, Олмон, Коста-Рика, Белгия, Канада, Камерун, Сербия, Ғана ва Уругвай аз ҳаққи иштирок дар даври ҳаштякниҳоӣ маҳрум шуданд.
Ҷоми ҷаҳонии футбол-2022 дар Қатар
Таркиби гурӯҳҳо:
гурӯҳи А – Қатар, Эквадор, Сенегал, Нидерланд;
гурӯҳи В – Англия, Эрон, ИМА (Иёлоти Муттаҳидаи Амрико), Уэлс;
гурӯҳи С – Аргентина, Арабистони Саудӣ, Мексика, Лаҳистон (Полша);
гурӯҳи D – Фаронса, Австралия, Дания, Тунис;
гурӯҳи Е – Испания, Коста-Рика, Олмон, Ҷопон;
гурӯҳи F – Белгия, Канада, Марокаш, Хорватия;
гурӯҳи G – Бразилия, Сербия, Швейтсария, Камерун;
гурӯҳи H - Португалия, Ғана, Уругвай, Кореяи Ҷанубӣ.
Ҷадвали баргузории бозиҳо:
Марҳилаи гурӯҳӣ
20 ноябр, якшанбе
Гурӯҳи А. Қатар – Эквадор – 0:2
21 ноябр, душанбе
Гурӯҳи B. Англия – Эрон – 6:2
Гурӯҳи A. Сенегал – Нидерланд – 0:2
Гурӯҳи B. ИМА– Уэлс – 1:1
22 ноябр, сешанбе
Гурӯҳи C. Аргентина – Арабистони Саудӣ – 1:2
Гурӯҳи D. Дания – Тунис – 0:0
Гурӯҳи C. Мексика – Лаҳистон – 0:0
Гурӯҳи D. Фаронса – Австралия – 4:1
23 ноябр, чоршанбе
Гурӯҳи F. Марокаш – Хорватия – 0:0
Гурӯҳи E. Олмон – Ҷопон – 1:2
Гурӯҳи E. Испания – Коста-Рика – 7:0
Гурӯҳи F. Белгия – Канада – 1:0
24 ноябр, панҷшанбе
Гурӯҳи G. Швейтсария – Камерун − 1:0
Гурӯҳи H. Уругвай –Кореяи Ҷанубӣ − 0:0
Гурӯҳи H. Португалия – Ғана − 3:2
Гурӯҳи G. Бразилия – Сербия − 2:0
25 ноябр, ҷумъа
Гурӯҳи B. Уэлс – Эрон – 0:2
Гурӯҳи А. Қатар – Сенегал − 1:3
Гурӯҳи A. Нидерланд – Эквадор − 1:1
Гурӯҳи B. Англия – ИМА − 0:0
26 ноябр, шанбе
Гурӯҳи D. Тунис – Австралия – 0:1
Гурӯҳи С. Лаҳистон – Арабистони Саудӣ – 2:0
Гурӯҳи D. Фаронса– Дания − 2:1
Гурӯҳи C. Аргентина – Мексика − 2:0
27 ноябр, якшанбе
Гурӯҳи E. Ҷопон – Коста-Рика – 0:1
Гурӯҳи F. Белгия – Марокаш – 0:2
Гурӯҳи F. Хорватия – Канада – 4:1
Гурӯҳи E. Испания – Олмон – 1:1
28 ноябр, душанбе
Гурӯҳи G. Камерун – Сербия − 3:3
Гурӯҳи H. Кореяи Ҷанубӣ – Ғана − 2:3
Гурӯҳи G. Бразилия – Швейтсария – 1:0
Гурӯҳи H. Португалия – Уругвай – 2:0
29 ноябр, сешанбе
Гурӯҳи A. Эквадор – Сенегал – 1:2
Гурӯҳи A. Нидерланд – Қатар – 2:0
Гурӯҳи B. Эрон – ИМА – 0:1
Гурӯҳи B. Уэлс – Англия – 3:0
30 ноябр, чоршанбе
Гурӯҳи D. Австралия – Дания – 1:0
Гурӯҳи D. Тунис – Фаронса – 1:0
Гурӯҳи C. Арабистони Саудӣ – Мексика – 1:2
Гурӯҳи C. Лаҳистон– Аргентина – 0:2
1 декабр, панҷшанбе
Гурӯҳи F. Канада – Марокаш− 1:2
Гурӯҳи F. Хорватия – Белгия − 0:0
Гурӯҳи E. Коста-Рика – Олмон− 2:4
Гурӯҳи E. Ҷопон – Испания − 2:1
2 декабр, ҷумъа
Гурӯҳи H. Ғана – Уругвай − 0:2
Гурӯҳи H. Португалия – Кореяи Ҷанубӣ − 1:2
Гурӯҳи G. Сербия – Швейтсария – 2:3
Гурӯҳи G. Камерун – Бразилия − 1:0
1/8 финал
3 декабр, шанбе
1 - Нидерланд - ИМА – 3:1
2 - Аргентина - Австралия – 2:1
4 декабр, якшанбе
3 - Фаронса - Лаҳистон – 3:1
4 - Англия - Сенегал – 3:0
5 декабр, душанбе
5 - Ҷопон - Хорватия – 1:1, аз рӯи пеналти – 1:3
6 - Бразилия – Кореяи Ҷанубӣ - 4:1
6 декабр, сешанбе
7 - Марокаш - Испания (20:00)
8 - Португалия - Швейтсария (00:00)
1/4 финал
9 декабр, ҷумъа
Чорякфинали 1: Хорватия - Бразилия (20:00)
Чорякфинали 2: Нидерланд - Аргентина (00:00)
10 декабр, шанбе
Чорякфинали 3: Марокаш/Испания - Португалия/Швейтсария (20:00)
Чорякфинали 4: Фаронса - Англия (00:00)
1/2 финал
13 декабр, сешанбе
Нимфинали 1: Ғолиби чорякфинали 2 – Ғолиби чорякфинали 1 (00:00)
14 декабр, чоршанбе
Нимфинали 2: Ғолиби чорякфинали 4 - Ғолиби чорякфинали 3 (00:00)
Бозӣ барои ҷои 3-юм:
17 декабр, шанбе
Мағлуби нимфинали 1 – Мағлуби нимфинали 2 (20:00)
ФИНАЛ
18 декабр, якшанбе
Ғолиби нимфинали 1 – Ғолиби нимфинали 2 (20:00)
Эзоҳ: замони оғози бозиҳо – ба вақти Душанбе
Гуфтугӯ