Мақомоти Украина гуфтанд, нерӯҳои Русия рӯзи 31-уми октябр дигарбора шаҳри Киев ва чандин вилоятҳои дигари кишварро мушакборон карданд.
Валентина Резниченко, яке аз намояндагони ҳукумати шаҳри Марганетс, гуфт, мушакҳои Гради Русия ба як хонаи истиқоматӣ ва мактабе бархӯрдаанд ва як зани 31-сола низ кушта шудааст.
Олексий Кулеба, раиси вилояти Киев, гуфт, системаи дифои мушакии шаҳри Виннитса ба кор андохта шудааст.
Дар Киев, ба гуфтаи Виталий Кличко, раиси шаҳр, баъди зарбаҳои мушакӣ дар субҳи 31-уми октябр қисматҳое аз шаҳр бе нерӯи барқ монд.
Ба қавли Игор Терехов, раиси шаҳри Харков, дувумин шаҳри бузурги Украина неруҳои Русия дар инҷо зербунёдҳои муҳими ғайринизомиро ҳадаф гирифтаанд. Ҳамчунин дар бораи ҳамлаҳои ҳавоӣ ба шаҳрҳои Полтава ва Кировоград гузориш мерасад.
Гуфтугӯ