Дастаи мунтахаби миллии футзали Тоҷикистон дар нахустин бозиаш дар марҳилаи ниҳоии қаҳрамонии Осиё, ки 27-уми сентябр дар Кувайт баргузор шуд, тими миллии Баҳрайнро бо ҳисоби 4:3 шикаст дод. Голҳои Умед Қузиев, Бахтиёр Солиев, Файзалӣ Сардоров ва Идрис Ёров ба дастаи Тоҷикистон се имтиёз овард.
Дар бозии дигари гурӯҳи «В» мунтахаби Узбекистон тими миллии Туркманистонро бо ҳисоби бузурги 8:0 мағлуб кард.
Мунтахаби Тоҷикистон дар даври дувуми Ҷоми Осиё дар гурӯҳи «В» 29-уми сентябр бо мунтахаби Узбекистон ва дар даври севум 1-уми октябр бо дастаи Туркманистон бозӣ мекунад.
Зимнан, дастаи мунтахаби футзали Тоҷикистон дар мусобиқаи интихобии Ҷоми Осиё-2022 дар минтақаи Марказ ва Ҷануб дар Бишкеки Қирғизистон дар гурӯҳи «В» ҷои дуюмро гирифт ва ба марҳилаи ниҳоии мусобиқа, ки дар Кувайт ҷараён дорад, роҳ ёфт.
"Мақсади мо дар марҳилаи ниҳоии қаҳрамонии Осиё дар Кувайт нишон додани ҳамаи он чизест, ки ба он қодир ҳастем. Мекӯшем, ки дар ҳар як бозӣ пирӯз шавем. Вазифаи мо ба даври баъдӣ роҳ ёфтан аст", - гуфт сармураббии дастаи мунтахаби футзали Тоҷикистон Пайрав Воҳидов.
Ёдовар мешавем, мунтахаби Тоҷикистон аз ин пеш даҳ бор – солҳои 2001, 2005, 2006, 2007, 2008, 2010, 2012, 2014, 2016 ва 2018 дар марҳилаи ниҳоии қаҳрамони Осиё иштирок кардааст ва танҳо як бор – соли 2007 дар Ҷопон – аз гурӯҳи худ баромада, ба плей-офф роҳ ёфтааст.
Ҳайати дастаи мунтахаби миллии футзали Тоҷикистон дар марҳилаи ниҳоии Ҷоми Осиё-2022 дар Кувайт:
Дарвозабонҳо: Фирӯз Бекмуродов, Фирӯз Бозмамадов (ҳарду аз «Истиқлол»);
Бозигарони майдонӣ: Рустам Ҳамидов («Истиқлол»), Файзалӣ Сардоров, Муҳаммадҷон Шарипов, Дилшод Саломов, Некрӯз Алимаҳмадов, Идрис Ёров, Бахтиёр Солиев (ҳама аз «Соро компания»), Иқбол Воситзода, Шавкат Ҳалимов, Собирҷон Гулаков, Умед Қузиев (ҳама аз «Сипар»), Баҳодур Хоҷаев («Истаравшан»).
Сармураббӣ - Пайрав Воҳидов.
Ҷоми Осиё-2022 оид ба футзал
Гурӯҳи «В». Даври 1-ум
Баҳрайн – Тоҷикистон – 3:4
Голҳо: Умед Қузиев, 7 (0:1). Умар Ҳасан Алӣ, 11 (1:1). Бахтиёр Солиев, 22 (1:2). Файзалӣ Сардоров, 23 (1:3). Аҳмад Муҳаммад Антар, 33 (2:3). Идрис Ёров, 38 (2:4). Ҷассим Солеҳ Анан, 38 (3:4).
27-уми сентябр. Ал-Кувайт. Маҷмааи варзишии «Саъд Ал-Абдулло».
Узбекистон – Туркманистон – 8:0
Мавқеи дастаҳо дар ҷадвали мусобиқа
|
Ҷ |
ДАСТАҲО |
Б |
Ғ |
М |
Б |
Т |
И |
|
1 |
Узбекистон |
1 |
1 |
0 |
0 |
8-0 |
3 |
|
2 |
Тоҷикистон |
1 |
1 |
0 |
0 |
4-3 |
3 |
|
3 |
Баҳрайн |
1 |
0 |
0 |
1 |
3-4 |
0 |
|
4 |
Туркманистон |
1 |
0 |
0 |
1 |
0-8 |
0 |
Даври 2-юм
29-уми сентябр (панҷшанбе)
13:00 – Туркманистон – Баҳрайн
16:00 – Тоҷикистон – Узбекистон
Даври 3-юм
1-уми октябр (шанбе)
13:00 – Тоҷикистон – Туркманистон
16:00 – Узбекистон – Баҳрайн
Эзоҳ: замони оғози бозиҳо – ба вақти Душанбе.
Гуфтугӯ