Дастаи мунтахаби наврасони то 16-солаи футболи Тоҷикистон дар бозии дувумаш ҳам дар мусобиқаи байналмилалӣ ба хотираи президенти собиқи Ассотсиатсияи футболи Узбекистон Мираброр Усмонов дар Тошканд аз тими Эрон (U-16) бо ҳисоби 1:2 шикаст хӯрд.
Бозӣ рӯзи панҷшанбе, 25-уми август, дар варзишгоҳи “Кибрай”-и шаҳри Тошканд баргузор шуд. Голи ягонаи мунтахаби Тоҷикистонро Беҳрӯз Хуҷаев зад. Ду голи эрониҳоро Ризо Гандипур ба самар расонид.
Дастаи мунтахаби наврасони Тоҷикистон нахустин бозиашро дар Ҷоми ёдбуди президенти собиқи Ассотсиатсияи футболи Узбекистон Мираброр Усмонов дар Тошканд 23-юми август ба тими Ҷопон (U-16) бо ҳисоби 0:2 бохта буд.
Дар бозии дигари даври дувуми ин мусобиқа дастаи мунтахаби наврасони Узбекистон тими Ҷопонро бо ҳисоби 3:0 мағлуб кард.
Дастаи мунтахаби наврасони Тоҷикистон бо роҳбарии сармураббӣ Раҳматулло Фузайлов бозии охиринашро дар мусобиқаи байналмилалӣ ба хотираи Мираброр Усмонов рӯзи шанбе, 27-уми август, бо тими наврасони Узбекистон баргузор мекунад. Ин бозӣ дар варзишгоҳи «Пахтакор»-и Тошканд соати 17:00 оғоз меёбад.
Дар мусобиқаи мазкур, ки 27-уми август ба анҷом мерасад, дастаҳои мунтахаби наврасони Узбекистон, Тоҷикистон, Эрон ва Ҷопон ширкат доранд.
Мусобиқа аз рӯи системи даврӣ дар як давра дар варзишгоҳҳои «Кибрай», «Ҷар», «Пахтакор» ва майдони Академияи футболи бошгоҳи «Бунёдкор»-и Тошканд баргузор шудааст.
Ҷоми ёдбуди Мираброр Усмонов барои футболбозони навраси тоҷик як марҳилаи омодагӣ ба мусобиқоти интихобии Ҷоми Осиё-2023 маҳсуб мешавад. Зимнан, мунтахаби наврасони Тоҷикистон (U-16) дар ин мусобиқоти қитъавӣ дар гурӯҳи «Н», ки аз 5-ум то 9-уми октябри имсол дар Душанбе сурат мегирад, бо ҳамсолонашон аз Афғонистон, Тимори Шарқӣ ва Муғулистон рақобат мекунад.
Мусобиқаи ёдбуди Мираброр Усмонов миёни дастаҳои мунтахаби наврасони то 16-сола дар Тошканд
Даври 1-ум
Тоҷикистон (U-16) – Ҷопон (U-16) – 0:2
Голҳо: Шунго Сугиура, 59 (0:1). Шота Кофие, 88 (0:2).
23 август. Тошканд. Майдони Академияи «Бунёдкор».
Узбекистон (U-16) – Эрон (U-16) – 1:1
Даври 2-юм
Эрон (U-16) – Тоҷикистон (U-16) – 2:1
Голҳо: Ризо Гандипур, 43 (1:0). Ризо Гандипур, 60 (2:0). Беҳрӯз Хуҷаев, 62 (2:1).
Тӯбро аз пеналти ба ҳадаф нарасонд: Шеравган Саидов (Тоҷикистон), 28 – дарвозабон баргардонд.
25 август. Тошканд. Варзишгоҳи «Кибрай».
Ҷопон (U-16) – Узбекистон (U-16) – 0:3
Мавқеи дастаҳо дар ҷадвали мусобиқа
|
Ҷ |
ДАСТАҲО |
Б |
Ғ |
М |
Б |
Т/Т |
И |
|
1 |
Узбекистон (U-16) |
2 |
1 |
1 |
0 |
4-1 |
4 |
|
2 |
Эрон (U-16) |
2 |
1 |
1 |
0 |
3-2 |
4 |
|
3 |
Ҷопон (U-16) |
2 |
1 |
0 |
1 |
2-3 |
3 |
|
4 |
Тоҷикистон (U-16) |
2 |
0 |
0 |
2 |
1-4 |
0 |
Даври 3-юм
27-уми август (шанбе)
15:30 – Ҷопон (U-16) – Эрон (U-16). Варзишгоҳи «Ҷар»
17:00 – Узбекистон (U-16) – Тоҷикистон (U-16). Варзишгоҳи «Пахтакор»
Гуфтугӯ