Мавқеи варзишгарони тоҷик дар радабандии ҷаҳонӣ, ки онро Федератсияи байнулмилалии ҷудо (IJF) дар сомонаи расмии худ нашр кардааст, муайян шуд.
Темур Раҳимов дар феҳристи ҷаҳонӣ дар вазни беш аз 100 кило бо 3985 имтиёз дар ҷойи аввал қарор дорад. Ин натиҷа дар байни варзишгарони тоҷик беҳтарин аст. Дар ин феҳрист дар вазни сангинтарин варзишгари ҳолландӣ Ҷур Спиҷкерс бо 3850 имтиёз мақоми дувумро касб кардааст.
Сомон Маҳмадбеков дар радабандии ҷаҳонӣ дар вазни то 73 кило бо 3015 имтиёз дар ҷойи чаҳорум мебошад. Ин натиҷа дар байни варзишгарони тоҷик дувум аст. Дар вазни то 73 кило Лаша Шавдатуашвилии гурҷӣ бо 5969 имтиёз дар ҷойи аввал мебошад.
Ҳамчунин Сомон дар вазни то 81 кило бо 350 имтиёз дар ҷойи 92-юм қарор дорад. Дар феҳристи ҷаҳонӣ дар ин вазн Тато Григалашвили аз Гурҷистон бо 6446 имтиёз мақоми аввалро азони худ кардааст.
Комроншоҳи Устопириён дар радабандии ҷаҳонӣ дар вазни то 90 кило бо 2587 имтиёз ҷойи 9-умро ишғол мекунад. Ин дар байни варзишгарони тоҷик натиҷаи севум аст.
Ҷаҳонгир Маҷидов дар радабандии ҷаҳонӣ дар вазни то 90 кило бо 881 имтиёз ҷойи 36-умро соҳиб шудааст. Натиҷаи ӯ дар миёни ҷудокорони тоҷик чаҳорум аст.
Дар феҳристи ҷаҳонӣ дар вазни то 90 кило варзишгари озарбойҷонӣ Маммадалӣ Меҳдиев бо 4641 имтиёз мақоми аввалро соҳиб шудааст.
Эмомалӣ Нуралӣ дар радабандии ҷаҳонӣ дар вазни то 66 кило бо 710 имтиёз дар ҷойи 51-ум ва дар байни варзишгарони тоҷик дар ҷойи панҷум аст. Дар ин вазн Денис Вйеру аз Молдова бо 5690 имтиёз дар радабандии ҷаҳонӣ мақоми аввалро касб кардааст.
Беҳрӯзи Хоҷазода дар феҳристи ҷаҳонӣ дар вазни то 73 кило бо 777 имтиёз ҷойи 52-юмро гирифтааст. Ӯ дар миёни варзишгарони тоҷик дар зинаи шашум қарор дорад.
Шодмон Ризоев дар радабандии ҷаҳонӣ дар вазни то 81 кило бо 766 имтиёз дар ҷойи 53-юм ва дар байни варзишгарони тоҷик дар ҷойи ҳафтум аст.
Муҳаммадраҳим Сарахонов дар феҳристи ҷаҳонӣ дар вазни то 73 кило бо 680 имтиёз дар ҷойгоҳи 60-ум қарор дорад. Натиҷаи ӯ дар байни варзишгарони тоҷик ҳаштум аст.
Ҷойҳои нӯҳум ва даҳумро дар миёни ҷудокорони тоҷик Шаҳбоз Саидаброров касб намудааст. Ӯ дар радабандии ҷаҳонӣ дар вазни то 66 кило бо 584 имтиёз дар мақоми 69-ум қарор дорад. Инчунин Шаҳбоз дар вазни то 60 кило бо 450 имтиёз дар ҷойи 75-ум мебошад. Дар вазни то 60 кило Юнг Вей Янг аз Тайпейи Чин бо 4945 имтиёз дар феҳристи ҷаҳонӣ мақоми аввалро азони худ кардааст.
Гуфтугӯ