Рӯзҳои 6-7-уми август бозиҳои даври ҳаштякниҳоии Ҷоми Тоҷикистон-2022 баргузор шуда, аз рӯи натиҷаҳо дастаҳое, ки ба чорякфинал роҳ ёфтанд, маълум гардиданд. Бозиҳои 1/8 финали Ҷоми Тоҷикистон-2022 аз як дидор иборат буд.
Ба иттилои Федератсияи футболи Тоҷикистон, аз рӯи натиҷагирии бозиҳои ҳаштякниҳоӣ дар 1/4 финали Ҷоми кишвар «Истиқлол» (Душанбе) – «Равшан» (Кӯлоб), «Эсхата» (Хуҷанд) – КМВА (Душанбе), «Саройкамар» (Панҷ) – «Хатлон» (Бохтар) ва ғолиби ҷуфти «Динамо» (Душанбе)/«Файзканд» (Восеъ) – «Кӯктош» (Рӯдакӣ) бозӣ хоҳанд кард. Бозиҳои чорякниҳоӣ рӯзҳои 27-ум ва 28-уми август баргузор мешаванд.
Бозии ҳаштякниҳоӣ миёни дастаҳои «Динамо» (Душанбе) ва «Файзканд» (Восеъ) дар рӯзҳои эҳтиётии тақвим сурат мегирад. Сабабаш иштироки бозигарони «Динамо» дар ҳайати дастаи мунтахаби ҷавонони Тоҷикистон (U-19) дар мусобиқоти қаҳрамонии CAFA (Ассотсиатсияи футболи Осиёи Марказӣ)-2022 дар Душанбе мебошад.
Ҷоми Тоҷикистон-2022
1/8 финал
«Равшан» (Кӯлоб) – «Равшан» (Зафаробод) – 3:1
Голҳо: Абдухалил Боронов, 5 (1:0). Коуасси Инносент, 49 (2:0). Комрони Мирзохон, 57 (3:0). Сардорбек Матмуратов, 90 (3:1).
6 август. Кӯлоб. Варзишгоҳи марказӣ. 3000 тамошобин.
«Регар-ТадАЗ» (Турсунзода) – КМВА (Душанбе) – 0:1
Гол: Комрони Мирзонажод, 75.
6 август. Турсунзода. Варзишгоҳи «ТАЛКО-Арена». 1000 тамошобин.
«Кӯктош» (Рӯдакӣ) – «Хуҷанд» (Хуҷанд) – 3:2
Голҳо: Парвиз Боқиев, 4 (0:1). Азизбек Султонов, 10 (1:1). Далер Ёдгоров, 29 (1:2). Азизбек Султонов, 73 (2:2). Сорбон Ғиёсов, 90+3 (3:2).
6 август. Рӯдакӣ. Варзишгоҳи «Нефтяник». 4000 тамошобин.
«Истиқлол» (Душанбе) – «Моҳир» (Ёвон) – 6:0
Голҳо: Манучеҳр Ҷалилов, 13 (1:0). Шервонӣ Мабатшоев, 29 (2:0). Манучеҳр Ҷалилов, 33 (3:0). Шервонӣ Мабатшоев, 61 (4:0). Манучеҳр Ҷалилов, 74 (5:0). Шаҳром Сулаймонов, 78 (6:0).
6 август. Ҳисор. Варзишгоҳи марказӣ. 200 тамошобин.
«Эсхата» (Хуҷанд) – «Ҳосилот» (Фархор) – 2:0
Голҳо: Мубинҷон Муъминов, 43 (1:0). Дилшод Бозоров, 59 (2:0).
7 август. Хуҷанд. Варзишгоҳи «Спартак». 2000 тамошобин.
«Саройкамар» (Панҷ) – «Ҳулбук» (Восеъ) – 1:0
Гол: Акмалҷон Авазов, 81.
7 август. Панҷ. Варзишгоҳи марказӣ. 2600 тамошобин.
«Хатлон» (Бохтар) – «Истаравшан» (Истаравшан) – 2:0
Голҳо: Тоҳирҷон Тағойзода, 56 (1:0). Равшан Азизов, 63 (2:0).
7 август. Бохтар. Варзишгоҳи «Пахтакор». 4200 тамошобин.
Гуфтугӯ