Мақомоти интизомии Русия 9 шаҳрванди Тоҷикистон, аз ҷумла чаҳор узви як оиларо бо иттиҳоми cохтакорӣ ва истеҳсоли нӯшокиҳои тақаллубии спиртӣ дастгир кардаанд.

Раҷабалӣ Ҳалимов, сокини деҳаи Ноҷии боло дар ноҳияи Ҳисор рӯзи 17-уми сентябр ба Радиои Озодӣ гуфт, ки фарзандонаш Саёдвалӣ Ҳалимов, Фирӯзи Раҷабалӣ, Наврӯз Ҳалимов ва Наҷмиддин Раҷабзода рӯзи 4-уми сентябр дар шаҳри Перм дастгир шудаанд.