Саймуъмин Ятимов, раиси Кумитаи давлатии амнияти миллии Тоҷикистон, рутбаи нави генерал-полковник гирифтааст. Хадамоти матбуоти президенти Тоҷикистон гуфт, ки ин рутба рӯзи 25-уми август дар остонаи ҷашни истиқлол тақдим шуд.
Ба қавли манбаъ, вазири умури дохилӣ Рамазон Раҳимзода бо рутбаи генерал-полковники милитсия ва додситони кул Юсуф Раҳмон бо рутбаи генерал полковники адлия сарфароз шудаанд.
“Теъдоди муайяни хидматчиёни Вазорати умури дохилӣ, Вазорати дифоъ, Қӯшунҳои сарҳадӣ ва Гвардияи миллӣ низ бо рутбаҳои “генерал-майор” ва “генерал-майори гвардия” сарфароз гардонда шуданд”, - омадааст дар иттилоияи дафтари матбуоти президент.
Ин манбаъ мегӯяд, ки дар остонаи ҷашни истиқлол дар маҷмуъ раиси ҷумҳури Тоҷикистон ба 300 корманди соҳаи илму фарҳанг, мақомоти ҳукуматҳои маҳаллӣ, хидматчиёни давлатӣ ва соҳибкорон низ унвону ҷоизаҳои нав додааст. Ҳарчанд аз ин афрод нмоу насаб бурда наушдааст, аммо дар аксҳои нашркардаи дафтари матбуоти президент нахуствзаир Қоҳир Расулзода, раиси Кумитаи дин Сулаймон Давлатзода, муовини вазири иқтисод Умед Давлатзода, раиси Кумитаи замин Раҷаббой Аҳмадзода, раиси Кумитаи забон Гавҳар Шарофзода ва дигаронро дидан мумкин аст.
