Президенти мунтахаби ИМА Доналд Трамп ваъда медиҳад, ки барои хатми ҷанг дар Украина талош хоҳад варзид. Вале ба қавли ӯ дар навбати аввал бояд раҳбарони Русия ва Украина ба гузашт омода бошанд.
Дар Тоҷикистон муҳокимаи чеҳраҳои шинохтаи сиёсӣ идома дорад, соли ғаму андӯҳи наздикони маҳбусони сиёсӣ, талоши Трамп барои сулҳ дар Украина ва барномаи Тоҷикистон дар давраи раҳбарии ИДМ.
Намояндагони Вазорати корҳои хориҷии Тоҷикистон зимни як нишаст дар Душанбе гуфтанд, ки талош мекунанд давоми як соли роҳбарӣ дар Иттиҳоди Давлатҳои Мустақил 4 созишнома дар бахши муҳоҷират қабул шавад. Ҷузъиёти санадҳо маълум нест, аммо мақомоти Тоҷикистон гуфтанд, тасдиқи ин ҳуҷҷатҳо тӯл мекашад.
Соли андӯҳи оилаҳои зиндониён дар Тоҷикистон. Дар суҳбат бо Радиои Озодӣ як идда аъзои оилаҳои сиёсатмадорон ва муҳоҷирони тоҷикистонии боздошт ва маҳкумшуда шикоят карданд, ки соли 2024-ум барояшон ғаму андӯҳи зиёд овард.
Як духтари афғонистонӣ аз ҳукумати Қазоқистон дархости паноҳандагӣ кардааст. Фаридаи 23-сола мегӯяд, ба далели ҳамкорияш бо созмонҳои ҳомии ҳуқуқи занон дар Афғонистон таҳти ҷустуҷӯст. Ҳомиёни ҳуқуқ аз он нигаронанд, ки ба Фарида дар ватанаш ҳукми қатл таҳдид мекунад.
Дар Тоҷикистон пешниҳод доранд, барои занони хонашин ҳам маош таъин карда шавад. Ба гуфтаи муаллифи пешниҳод Меҳрангез Турсунзода, саҳми занони хонашин, ки дар иқтисоди хонавода бузург аст, дар бештари маврид нодида гирифта мешавад.
Додситонии кулли Тоҷикистон рӯзи 21-уми декабр хабар дод, ки дар пайванд ба кушторҳои пайиҳам дар шаҳри Конибодом, ки аҳолиро дар ҳолати тарсу нигаронӣ қарор дода буд, 4 кас дастгир шудааст.
Дар ин шумораи барномаи "Рӯзгори муҳоҷир" қиссаи зани тоҷик Парвина Олимоваро пешкаши бинандагон мекунем. Ӯ бо умеди табобати фарзандон ба Русия омадааст, вале баъди ихроҷи шавҳараш аз Екатеринбург дар ҳоли мушкиле қарор гирифт. Ҳамватанон ба ӯ дасти ёрӣ дароз карданд.
Аз донишгоҳи Вашингтон то Бостону Вирҷиния. “Замини модарон” имсол Шаҳзодаи Самарқандӣ, нависандаи тоҷики муқими Ҳолландро барои баҳсу таҳлили ин китоб ба Амрико бурд. Достоне, ки шебу фарози фурӯпошии Шӯравиро ба риштаи тасвир кашида. Радиои Озодӣ рӯзи 19 декабр бо Шаҳзодаи Самарқандӣ гуфтугӯ кард.
Ҳизби демократи Тоҷикистон, ки аз соли 1990 дар саҳнаи сиёсист, вале борҳо ба ҷиноҳҳо тақсим шудааст, номзадии панҷ намояндаашро ба интихоботи порлумонӣ пешниҳод кард. Интихобот моҳи марти 2025 баргузор хоҳад шуд. Созмону кишварҳои ғарбӣ то ин дам ягон интихоботро дар Тоҷикистон шаффоф надонистаанд.
Мақомоти Русия шаҳрванди Узбекистон Аҳмадҷон Қурбоновро, ки ба қатли генерал Игор Кириллов гумонзад аст, то 17-уми феврали соли 2025 ба ҳабс гирифтаанд. Ҳукм рӯзи 19-уми декабр содир шуд. Бисёре аз муҳоҷирони узбек шикоят доранд, ки пулиси Русия онҳоро ҳадафмонда мавриди таъқиб қарор медиҳанд.
Сокинони чанд деҳа дар Конибодом мегӯянд, шабона аз тарс хоби ором надоранд ва бинобар ин дару тирезаҳои хонаашонро бо панҷараҳои оҳанин маҳкам карданд. Дар як моҳи охир дар ин минтақаи вилояти Суғд даҳ узви се оила ба таври мармуз кушта шуд.
Ёфтҳои бештар
