Аз соли 2013 дар бахши тоҷикии Радиои Озодӣ кор мекунад.
Дар гузашта дар телевизиони “Мавҷи Озод”-и ноҳияи Восеъ фаъолият кардааст.
Бо эътирофи хуруҷи дубораи коронавирус дар Тоҷикистон, мақомот талош доранд, аҳолиро ба гирифтани ваксина водор намоянд. Барои ин пизишкон ба хонаву масҷид, бозор ва корхонаҳо мераванд ва аз мардум даъват мекунанд, ки зидди коронавирус худро эм кунанд.
Наздик омадани Толибони афғон ба марзи Тоҷикистон мояи нигаронии мақомоти баландпояи Душанбе шуд.
Наздик омадани Толибони афғон ба марзи Тоҷикистон мояи нигаронии мақомоти баландпояи Душанбе шуд. Рӯзе 22-уми июн гуруҳе аз сарбозони афғон аз тарси Толибон ба Тоҷикистон ақибнишинӣ карданд. Радиои Озодӣ аз ду таҳлилгар дар Душанбе пурсид, хатари вуруди Толибон ба Тоҷикистон то чӣ ҳад бузург аст.
Маҷлиси намояндагон, палатаи поёнии Порлумони Тоҷикистон, ҷазо барои озору азияти ҳайвонот, аз ҷумла ҷонварони бесоҳибро сахттар кард. Вакилон гуфтанд, ин кор бо талаби ҷомеаи шаҳрвандӣ сурат гирифта, ҳадафаш таҳкими ҳимоят аз ҷонварон аст.
Мақомот дар таҳқиқи қатли Аҳлиддин Маҳмадов, сокини ноҳияи Ҷайҳун ва се фарзандаш ҳанӯз ба ҷое нарасидаанд.
Чин барои идомаи сохтмони роҳи Душанбе--Хоруғ--Қулма ба Тоҷикистон 203.9 миллион доллар грант ё кумаки ройгон медиҳад.
Дастаи мунтахаби футболи Тоҷикистон тими миллии Мянмарро бо ҳисоби 4:0 шикаст дод. Ин бозӣ рӯзи 15-уми июн дар доираи марҳилаи дуюми интихобии қаҳрамонии ҷаҳон-2022 дар гурӯҳи "F", дар шаҳри Осакаи Ҷопон баргузор шуд.
Раванди барҳамдиҳии "Тоҷиксодиротбонк" ва "Агроинвестбонк" расман оғоз шудааст. Иҷозатномаи ин ду бонки қаблан низомсозро Бонки миллӣ 21-уми май бозхонд кард ва садҳо муштариёни онҳо нигарони пасандозҳояшон ҳастанд.
Дар Тоҷикистон гуруҳе аз ҳунармандон ва мухлисони Аҳмад Зоҳир, ёди ӯро, ки 40 сол пеш ба ҳалокат расид, гиромӣ доштанд. Аҳмад Зоҳир рӯзи 14-уми июни соли 1979 ба таври шубҳабарангез кушта шуд.
Вазорати тандурустии Тоҷикистон бо радди иттилои расонаҳо дар бораи бозгашти COVID-19 ба кишвар мегӯяд, афроде ки рӯзҳои ахир бо нишонаҳои коронавирус бистарӣ шудаанд, танҳо мушкили шуш доранд.
Мақомоти вазорати тандурустӣ мегӯянд, ки гузоришҳо дар бораи сирояти коронавируси нав ба даҳҳо нафар дар Тоҷикистон дуруст нест. Аммо на ҳама ба ин гуфтаҳо бовар доранд ва санаду далел меоранд, ки мавридҳои сироят дар Душанбе сабт шудааст.
Тоҷикистон як ҳафта боз шоҳиди гармии шадид аст. Сокинон мегӯянд, дар чанд соли охир чунин гармиро дар аввали моҳи июн надида буданд. Пизишкон аз мардум мехоҳанд, ки бе зарурат аз хона набароянд.
Дар Тоҷикистон ҳавои ғайримуқаррарие ҳукмфармост, ки дар се даҳсолаи гузашта дида нашудааст. Ҳоло бо худ мушкилоти зиёдеро ҳам овардааст.
Исмат Абдуллоев, паҳлавони маъруф ва поягузори самбо дар Тоҷикистон, пас аз бемории тӯлонӣ дар 77-солагӣ даргузашт. Маросими видоъ ва дафни ӯ рӯзи 1-уми июн дар шаҳри Душанбе баргузор шуд. Ҳампешагон даргузашти Абдуллоевро талафоти бузург номиданд.
Масъулони Маркази саратоншиносӣ дар Тоҷикистон гуфтанд, гирифтории кӯдакону наврасон ба ин беморӣ рӯ ба афзоиш ниҳодааст. Онҳо баъзе аз волидонро муқассир хонданд, ки саривақт ба пизишкон муроҷиат намекунанд.
Як ширкати вобаста ба Иттифоқи касабаи Тоҷикистон ба фиристодани дастҷамъонаи муҳоҷирони корӣ ба Русия оғоз кардааст. Қарор шудааст, ҳар гурӯҳи 50-нафарии муҳоҷиронро як намояндаи ширкат ҳамроҳӣ мекунад, то дар зиндагиву кори онҳо мушкиле пеш наояд.
Варзишгари тоҷик Гулсумбӣ Шарифова чанд рӯз пеш дар мусобиқаи байналмилалӣ дар Тошканди Узбекистон меъёри олимпиро дар давидан ба масофаи 200 метр миёни занон иҷро кард.
Даҳҳо мусофири бандмонда дар Фурудгоҳи шаҳри Душанбе рӯзи 26-уми май аз мақомот талаб карданд, ки мушкили онҳоро ҳал кунанд. Мусофирон мегӯянд, аз ширкати "Северний ветер" билет харидаанд, аммо як ҳафта боз наметавонанд, ба Русия бираванд.
Ёфтҳои бештар
