Сӯҳбати аксари занони деҳаи Булакдашти шаҳри Леваканд дар ҷашни наврӯзӣ дар бораи фарзандони муҳоҷирашон буд, ки мегӯянд, “ду Наврӯз боз онҳоро надидаанд”.
Навор аз деҳаи Булакдаштро ин ҷо тамошо кунед.
Браузери шумо HTML5-ро намешиносад
Дуои модарони хатлонӣ ба фарзандони муҳоҷирашон
Маҳдудиятҳо ба хотири ҷилавгирӣ аз паҳншавии коронавирус дӯрии муҳоҷирони кории тоҷик дар Русияро бо пайвандонашон дар Тоҷикистон бештар кардааст.
Азизой Азизова, сокини деҳаи Булакдашт, ки ҳангоми сафари хабарнигори Радиои Озодӣ ба ин деҳа суманак мепӯхт, гуфт, “орзу дорад, ки рафтуомад ба Русия осон шавад ва фарзандаш наздаш ояд”.
Парвозҳо миёни Русия ва Тоҷикистон моҳи марти соли гузашта қатъ шуд. Тариқи парвозҳои чартерӣ теъдоде аз муҳоҷирон аз Русия ба Тоҷикистон омаданд, вале бештари онҳо ба хотири аз даст надодани кори доимӣ дар Русия монданд, чун ба онҳое, ки шаҳрвандии Русияро надоранд, ҳаққи бозгашти дубора ба ин кишвар дода намешавад.
Бештари ҷавонони деҳаи Булакдашти шаҳри Леваканд дар муҳоҷиратанд. Дар гирди суфраи наврӯзӣ модарон дар ҳақи ноноварони хона даст ба дуо бардоштанд ва созу суруди онҳо бештар дар васфи фарзандони муҳоҷирашон буд.
Булакдашт, як деҳаи дурдаст дар вилояти Хатлон аст. Вилояти Хатлон, яке вилоятҳои бузургтарини Тоҷикистон аст, ки зиёда аз 3 миллион аҳолӣ дорад. Деҳае дар ин вилоят нест, ки дар Русия муҳоҷир надошта бошад.
ИНЧУНИН, БИХОНЕД: Сокинон мегӯянд, имсол бе ҳарос ба таҷлили Наврӯз омода мешаванд. ВИДЕОБраузери шумо HTML5-ро намешиносад
Дар ҷашни Наврӯз ниқобу масофагирии иҷтимоӣ аз ёд баромад
ИНЧУНИН, БИХОНЕД: Паноҳҷӯён аз Афғонистон ҷашни Наврӯзро дар Душанбе таҷлил карданд