Додгоҳи ноҳияи Хуросони вилояти Хатлон як ҷавонро бо гуноҳи дуздии телефонҳои се намозгузор аз дохили масҷид ба зиндон маҳкум кардааст.
Хабари расмӣ дар ин бора рӯзи 18-уми октябр нашр шуд.
Мақомоти Додгоҳ аз ин фард Амиршоев У. ном бурда, гуфтаанд, ки ҳодиса рӯзи 11-уми июни соли 2024 рух дод.
Ба иттилои расмӣ, ӯ ҳангоми адои намози аср ба масҷиди панҷвақтаи кӯчаи Тошмуҳаммадов дар ноҳияи Хуросон ворид шуда, телефони се намозгузорро бо арзиши 5600 сомонӣ гирифтааст.
Назари шахси муттаҳам ё наздиконаш маълум нест.
Ба хабари Додгоҳ, азбаски ин фард дар гузашта ҳам дуздӣ кардааст, ӯро ба се сол зиндони низомаш сахт маҳкум карданд.
Дар Тоҷикистон дуздӣ аз масҷид, ки ҷойи муқаддас ба ҳисоб меравад, бисёр кам иттифоқ меуфтад.