Дар ин саф аз ширкатҳои “Гуччӣ”, “Зара”, “Ҷей Сӣ Пеннӣ” ва ғайра ном бурда мешавад.
Зиёда аз 100 ширкати ҷаҳонӣ расман эълон карданд, ки аз истифодаи пахтаи Узбакистон даст мекашанд, зеро дар ҷамъоварии он аз меҳнати маҷбурии кӯдакон истифода мешавад. “Zara”, “JC Penney”, “American Eagle” ва “Fruit of the Loom” аз охирин ширкатҳое ҳастанд, ки ба ин изҳорот имзо гузоштанд. Ширкатҳои машҳури “Gucci”, “H&M”, ва “Walmart” ҳанӯз пештар ба ин номгӯй пайваста буданд. Анҷумани тавлидкунандагони либос ва пойафзоли Амрико (AAFA), ки 75 дарсади истеҳсолкунандагони либосу пойафзоли Иёлоти Муттаҳидаро ба ҳам овардааст, аз ташаббускорони ин эъломия мебошад. Чандин ширкати аврупоӣ низ аз ин ташаббус ҳимоят кардаанд.
Рӯзи 1-уми ноябр дар арафаи ҷаласаи солонаи Анҷумани байнулмилалии пахта AAFA эълон кард, ки шумораи ширкатҳо ва иттиҳодияҳое, ки ба изҳороти қатъит истифода аз пахтаи Узбакистон имзо карданд, аз 100 гузашт. Дар ин анҷуман муҳимтарин ниҳодҳои саноати пахта гиди ҳам меоянд.
Созмони ғайридавлатии “Шабакаи манобеи бомасъулият” (Responsible Sourcing Network), ки аз ҳамоҳангсозони таҳрими пахтаи Узбакистон аст, мегӯяд, саноати ҷаҳонӣ бояд ба решакан кардани ғуломдории муосир, таъмини муҳити поки зист, рушди иқтисоди одилона ва таҳаввули ҷомеа ёрӣ диҳад.
Дар изҳороти созмони мазкур гуфта мешавад, ки ҳар тирамоҳ зиёда аз 1 миллион кӯдак дар Узбакистон ба таври маҷбурӣ таҳсил дар синфхонаҳоро тарк мекунанд ва ба пахтазорҳо бурда мешаванд, то барои ҳукумат пахта ҷамъоварӣ кунанд. “Солҳост, ки ин ҳолат даҳҳо ширкати байнулмилалиро водор мекунад, аз истифодаи пахтаи Узбакистон барои тавлиди либос, ороиш ва пойафзол худдорӣ кунанд. Имсол ин маърака ба авҷи худ расидааст.”
Ширкаткунандагони маърака умедворанд, ки фишори байнулмилалӣ мақомоти Узбакистонро маҷбур хоҳад кард, аз истифодаи меҳнати кӯдакон дар ҷамъоварии пахта худдорӣ кунанд. Ин ҳамраъйии байнулмилалӣ дар соли 2004 ҷавобан ба даъвати созмонҳои ҳуқуқи башари Узбакистон оғоз ёфтааст. Мақомоти расмии Узбакистон то ҳол ягон бор ба баёнияҳои қатъи истифодаи пахтаи ин кишвар посух надодаанд.
Рӯзи 1-уми ноябр дар арафаи ҷаласаи солонаи Анҷумани байнулмилалии пахта AAFA эълон кард, ки шумораи ширкатҳо ва иттиҳодияҳое, ки ба изҳороти қатъит истифода аз пахтаи Узбакистон имзо карданд, аз 100 гузашт. Дар ин анҷуман муҳимтарин ниҳодҳои саноати пахта гиди ҳам меоянд.
Созмони ғайридавлатии “Шабакаи манобеи бомасъулият” (Responsible Sourcing Network), ки аз ҳамоҳангсозони таҳрими пахтаи Узбакистон аст, мегӯяд, саноати ҷаҳонӣ бояд ба решакан кардани ғуломдории муосир, таъмини муҳити поки зист, рушди иқтисоди одилона ва таҳаввули ҷомеа ёрӣ диҳад.
Дар изҳороти созмони мазкур гуфта мешавад, ки ҳар тирамоҳ зиёда аз 1 миллион кӯдак дар Узбакистон ба таври маҷбурӣ таҳсил дар синфхонаҳоро тарк мекунанд ва ба пахтазорҳо бурда мешаванд, то барои ҳукумат пахта ҷамъоварӣ кунанд. “Солҳост, ки ин ҳолат даҳҳо ширкати байнулмилалиро водор мекунад, аз истифодаи пахтаи Узбакистон барои тавлиди либос, ороиш ва пойафзол худдорӣ кунанд. Имсол ин маърака ба авҷи худ расидааст.”
Ширкаткунандагони маърака умедворанд, ки фишори байнулмилалӣ мақомоти Узбакистонро маҷбур хоҳад кард, аз истифодаи меҳнати кӯдакон дар ҷамъоварии пахта худдорӣ кунанд. Ин ҳамраъйии байнулмилалӣ дар соли 2004 ҷавобан ба даъвати созмонҳои ҳуқуқи башари Узбакистон оғоз ёфтааст. Мақомоти расмии Узбакистон то ҳол ягон бор ба баёнияҳои қатъи истифодаи пахтаи ин кишвар посух надодаанд.