Доналд Трамп, раиси ҷумҳури тозаинтихоби Амрико дар аввалин мусоҳиба баъди ғалаба дар интихобот гуфтааст, яке аз вазифаҳои аввалаш мустаҳкам кардани марзҳо мебошад.
Хабарнигори шабакаи NBC аз Трамп пурсид, ки оё ваъдаи ихроҷи оммавии муҳоҷирони ғайриқонуниро амалӣ мекунад? Раиси ҷумҳури нави Амрико гуфт, ҳукумати ӯ дигар илоҷе надорад.
Қаблан манобеи телевизиони CNN гуфтанд, муттаҳидони Доналд Трамп ва намояндагони бахши хусусӣ, махфиёна ба тағйири сиёсати муҳоҷират омода мешаванд.
Ба гуфтаи яке аз мусоҳибони шабака, дар ҳайати тими Трамп, нахуст таваҷҷуҳ ба ихроҷи муҳоҷирони ғайриқонуние буд, ки ҷиноят содир кардаанд. Аммо маълум нест, ки муҳоҷироне, ки дар кӯдакӣ ба Амрико омаданд ҳам ихроҷ мешаванд?