Ин бозии гурӯҳи “А” шаби чоршанбеи 6-уми ноябр дар варзишгоҳи Тани Бин Ҷассими шаҳри Доҳаи Қатар баргузор шуд. Бозӣ комилан бо бартарии эрониҳо сурат гирифт. Онҳо дар нимаи аввали дидор панҷ гол ва дар нимаи дуюм ду гол ба самар расонданд.
Холмурод Назаров, капитан ё сарвони дастаи “Равшан”, дар дақиқаи чаҳорум тӯбро ба дарвозаи дастааш зад. Баъдан Сокол Чикаллеши, ҳамлагари “Трактор”, се гол зада, хет-трик кард. Голи дувумашро вай аз пеналти ё ҷаримаи 11-метрӣ ба нишон расонд. Голи панҷуми эрониҳоро Амирҳусейн Ҳусейнзода дар дақиқаи дуюми замони ҷуброншуда ба дарвозаи “Равшан” ворид намуд. Дар ибтидои нимаи дуюми бозӣ Рикардо Алвес аз пеналти ҳисобро афзун кард. Голи ҳафтуми “Трактор”-ро Амирҳусейн Ҳусейнзода дар дақиқаи 69-ум зад, ки дарвозабони “Равшан” Евгений Гритсенко буд.
«Равшан» дар даври сеюми Лигаи дуюми қаҳрамонҳои AFC -2024/25 низ аз тими «Трактор»-и Эрон бо ҳисоби 1:3 шикаст хӯрда буд. Ин бозӣ 23-юми октябр дар Варзишгоҳи марказии Душанбе доир гардид.
“Равшан” нахустин бозиашро дар Лигаи дуюми қаҳрамонҳои AFC-2024/25 рӯзи 18-уми сентябр дар меҳмонӣ бо тими “Моҳун Баган” бо ҳисоби 0:0 анҷом дода, як имтиёз гирифта буд. Аммо имтиёзи “Равшан” бекор гардид, зеро бошгоҳи футболи “Моҳун Баган”-и шаҳри Калкуттаи Ҳиндустон, ки аз сафар ба Эрон барои бозӣ бо “Трактор”-и Табриз худдорӣ кард, аз Лигаи дуюми қаҳрамонҳои AFC хориҷ шуд.
“Равшан” дар даври дуюм рӯзи 2-юми октябр дар Варзишгоҳи марказии Душанбе аз тими “Ал-Вакра”-и Қатар бо ҳисоби 0:1 шикаст хӯрд.
Дар ҳамин ҳол дар ҷадвали гурӯҳи “А” тими “Трактор” бо 9 имтиёз дар ҷойи аввал аст. “Ал-Вакра”, ки як бозӣ камтар кардааст, бо 3 имтиёз дар ҷойи дуюм қарор дорад. “Равшан” бидуни имтиёз дар зинаи сеюм ҷойгир шудааст.
“Равшан” бозии охиринашро дар сафар рӯзи 4-уми декабр бо “Ал-Вакра”-и Қатар анҷом медиҳад.
Лигаи дуюми қаҳрамонҳои AFC-2024/25
Гурӯҳи “А”
Даври якум
“Ал-Вакра” – “Трактор” – 0:3
Голҳо: Томислав Стркалҷ, 13 (0:1), Меҳдӣ Туробӣ, 16 (0:2), Амирҳусейн Ҳусейнзода, 38 (0:3).
18-уми сентябр. Ал-Вакра. Варзишгоҳи “Ал-Ҷануб”.
Даври дуюм
“Равшан” – “Ал-Вакра” – 0:1
Гол: Ҷелсон Дала, 45+1
2-юми октябр. Душанбе, Варзишгоҳи марказии ҷумҳуриявӣ.
Даври сеюм
“Равшан” - “Трактор” – 1:3
Голҳо: Амирҳусейн Ҳусейнзода, 26 (0:1), Амирҳусейн Ҳусейнзода, 32 (0:2), Томислав Стркалҷ, 80 (0:3), Давид Мавутор, 90+2 (1:3).
23-юми октябр. Душанбе, Варзишгоҳи марказии ҷумҳуриявӣ.
Даври чаҳорум
“Трактор” – “Равшан” – 7:0
Голҳо: Холмурод Назаров, 4 – ба дарвозаи худ (1:0), Сокол Сикаллеши, 14 (2:0), Сокол Сикаллеши, 25 – аз пеналти (3:0), Сокол Сикаллеши, 27 (4:0), Амирҳусейн Ҳусейнзода, 45+2 (5:0), Рикардо Алвес, 49 – аз пеналти (6:0), Амирҳусейн Ҳусейнзода, 69 (7:0).
6-уми ноябр. Доҳа (Қатар), Варзишгоҳи Тани Бин Ҷассим.
Мавқеи дастаҳо дар ҷадвали гурӯҳи “А”
|
Ҷ |
Дастаҳо |
Б |
Ғ |
М |
Б |
Т |
И |
|
1 |
“Трактор” |
3 |
3 |
0 |
0 |
13-1 |
9 |
|
2 |
“Ал-Вакра” |
2 |
1 |
0 |
1 |
1-3 |
3 |
|
3 |
“Равшан” |
3 |
0 |
0 |
3 |
1-11 |
0 |
Даври панҷум
27-уми ноябр (чоршанбе)
21:00 – “Трактор” – “Ал-Вакра”
Табриз (Эрон), варзишгоҳи Ёдгори Имом
Даври шашум
4-уми декабр (чоршанбе)
21:00 – “Ал-Вакра” - “Равшан”
Ал-Вакра (Қатар), варзишгоҳи Ал-Ҷануб
Эзоҳ: замони оғози бозиҳо бо вақти Душанбест.