Ба иттилои Федератсияи футболи Тоҷикистон, дар ибтидо бозии даври сеюм миёни дастаҳои “Трактор” ва “Равшан” мебоист дар Эрон баргузор мешуд, аммо бошгоҳҳо табодули давр карданд. Дар даври чаҳоруми марҳилаи гурӯҳӣ рӯзи 6-уми ноябр «Трактор» ва «Равшан» дар Табриз бозӣ хоҳанд кард.
Ёдовар мешавем, “Равшан”, ноиби қаҳрамони Тоҷикистон, нахустин бозиашро дар Лигаи дуюми қаҳрамонҳои AFC-2024/25 рӯзи 18-уми сентябр дар меҳмонӣ бо тими “Моҳун Баган” бо ҳисоби 0:0 анҷом дода, як имтиёз гирифта буд. Аммо имтиёзи “Равшан” лағв гардид. Зеро бошгоҳи футболи “Моҳун Баган”-и шаҳри Калкуттаи Ҳиндустон, ки аз парвоз ба Эрон барои бозӣ бо “Трактор”-и Табриз худдорӣ кард, аз Лигаи дуюми қаҳрамонҳои AFC хориҷ шуд.
“Равшан” дар даври дуюм рӯзи 2-юми октябр дар Варзишгоҳи марказии Душанбе аз тими “Ал-Вакра”-и Қатар бо ҳисоби 0:1 шикаст хӯрд.
Дар ҳамин ҳол дар ҷадвали гурӯҳи “А” тимҳои “Трактор” ва “Ал-Вакра” бо сеимтиёзӣ мутаносибан дар ҷойҳои якуму дуюм қарор доранд. “Равшан” бидуни имтиёз дар зинаи сеюм ҷойгир шудааст.
Лигаи дуюми қаҳрамонҳои AFC-2024/25
Гурӯҳи “А”
Даври якум
“Ал-Вакра” – “Трактор” – 0:3
Голҳо: Томислав Стркалҷ, 13 (0:1), Меҳдӣ Туробӣ, 16 (0:2), Амирҳусейн Ҳусейнзода, 38 (0:3).
18-уми сентябр. Ал-Вакра. Варзишгоҳи “Ал-Ҷануб”.
Даври дуюм
“Равшан” – “Ал-Вакра” – 0:1
Гол: Ҷелсон Дала, 45+1
2-юми октябр. Душанбе, Варзишгоҳи марказии ҷумҳуриявӣ. 7643 тамошобин.
Мавқеи дастаҳо дар ҷадвали гурӯҳи “А”
|
Ҷ |
Дастаҳо |
Б |
Ғ |
М |
Б |
Т |
И |
|
1 |
“Трактор” |
1 |
1 |
0 |
0 |
3-0 |
3 |
|
2 |
“Ал-Вакра” |
2 |
1 |
0 |
1 |
1-3 |
3 |
|
3 |
“Равшан” |
1 |
0 |
0 |
1 |
0-1 |
0 |
|
4 |
”Моҳун Баган” |
0 |
0 |
0 |
0 |
0-0 |
0 |
Даври сеюм
23-юми октябр (чоршанбе)
“Равшан” - “Трактор”
Душанбе. Варзишгоҳи марказии ҷумҳуриявӣ