Бозии марказии даври сездаҳуми мусобиқот дар варзишгоҳи “Пахтакор”-и шаҳри Бохтар байни дастаҳои “Вахш” ва «Истиқлол»-и Душанбе бо ҳисоби 1:0 ба суди меҳмонон ба поён расид. Голи ягонаро Мэтю Миллар дар нимаи аввали дидор, дар дақиқаи 31-ум зад.
“Хуҷанд” дар Варзишгоҳи марказии ноҳияи Фархор дастаи мизбон -“Ҳосилот”-ро бо ҳисоби 1:0 шикаст дод. Голи Деян Тумбас дар охири бозӣ, дар дақиқаи 81-ум, ба “Хуҷанд” се имтиёз овард.
“Регар-ТадАЗ”-и Турсунзода дар майдони худ бар “Кӯктош”-и ноҳияи Рӯдакӣ бо ҳисоби 3:0 ғалаба кард. Ду голро Гияши Бортей ва Шараф Солеҳов дар нимаи аввали дидор ба самар расониданд. Як голи дигарро Саидмухтор Азимов дар нимаи дувуми дидор зад.
“Барқчӣ”-и Ҳисор дар Варзишгоҳи марказии ҷумҳуриявӣ “Истаравшан”-и Истаравшанро бо ҳисоби 1:0 мағлуб сохт. Тӯбро Масрур Ғафуров дар замони изофаи бозӣ (90+2) ба дарвозаи меҳмонон ворид кард.
“Панҷшер”-и Балхӣ бозиро бо “Равшан”-и Кӯлоб бо ҳисоби мусовии 1:1 ба поён расонд. Дар дақиқаи 3-юми бозӣ Мухторҷон Ортиқов, бозигари “Панҷшер”, ҳисобро кушод. Голи ҷавобиро Азизбек Ҳаитов, бозигари “Равшан”, дар дақиқаи 47-ум ба самар расонд.
Бозии дигари даври сездаҳум миёни дастаҳои КМВА (Клуби марказии варзишии артиш)-и Душанбе ва “Эсхата”-и Хуҷанд бидуни гол хотима ёфт.
Дар ҳамин ҳол дар ҷадвали мусобиқот қаҳрамони феълии Тоҷикистон “Истиқлол” бо 36 имтиёз мақоми аввалро касб кардааст. «Истиқлол» ягона дастаест, ки дар ҳамаи бозиҳояш пирӯз шуда, инчунин як бозӣ камтар кардааст.
КМВА, ки дар мавсими соли равон танҳо дар як бозӣ мағлуб шудааст, бо 26 имтиёз зинаи дувумро ишғол намудааст. Дастаи “Хуҷанд” бо 25 имтиёз дар ҷойи севум мебошад.
Дастаҳои “Барқчӣ” (8 имтиёз) ва “Кӯктош” (5 имтиёз) дар ҷадвали мусобиқот дар ду зинаи охирин қарор доранд.
Бозиҳои даври чордаҳуми мусобиқоти қаҳрамонии футболи Тоҷикистон-2024 миёни дастаҳои лигаи олӣ рӯзҳои 16-18-уми август баргузор мешаванд.
Мусобиқоти қаҳрамонии футболи Тоҷикистон-2024
Лигаи олӣ
Даври 13-ум
«Барқчӣ» – «Истаравшан» - 1:0
Гол: Масрур Ғафуров, 90+2
9-уми август. Душанбе, Варзишгоҳи марказии ҷумҳуриявӣ
«Регар-ТадАЗ» – «Куктош» - 3:0
Голҳо: Якуяе Нии Гияши Бортей, 7, Шараф Солеҳов, 21, Саидмухтор Азимов, 65
10-уми август. Турсунзода, варзишгоҳи «ТАЛКО-Арена»
«Вахш» – «Истиқлол» - 0:1
Гол: Мэтю Миллар, 31
10-уми август. Бохтар, варзишгоҳи «Пахтакор»
«Ҳосилот» – «Хуҷанд» - 0:1
Гол: Деян Тумбас, 81
11-уми август. Фархор, Варзишгоҳи марказӣ
КМВА – «Эсхата» - 0:0
11-уми август. Турсунзода, варзишгоҳи «ТАЛКО-Арена»
«Панҷшер» – «Равшан» - 1:1
Голҳо: Мухторҷон Ортиқов, 3 – Азизбек Ҳаитов, 47
11-уми август. Бохтар, варзишгоҳи «Пахтакор»
Мавқеи дастаҳо дар ҷадвали мусобиқот
|
Ҷ |
ДАСТАҲО |
Б |
Ғ |
М |
Б |
Т/Т |
И |
|
1 |
«Истиқлол» |
12 |
12 |
0 |
0 |
40-5 |
36 |
|
2 |
КМВА |
13 |
7 |
5 |
1 |
18-7 |
26 |
|
3 |
«Хуҷанд» |
13 |
7 |
4 |
2 |
17-8 |
25 |
|
4 |
«Регар-ТадАЗ» |
13 |
7 |
2 |
4 |
14-8 |
23 |
|
5 |
«Равшан» |
13 |
5 |
6 |
2 |
15-11 |
21 |
|
6 |
«Эсхата» |
13 |
5 |
3 |
5 |
18-19 |
18 |
|
7 |
«Ҳосилот» |
13 |
4 |
4 |
5 |
16-14 |
16 |
|
8 |
«Вахш» |
13 |
5 |
0 |
8 |
13-16 |
15 |
|
9 |
“Истаравшан» |
12 |
3 |
3 |
6 |
12-16 |
12 |
|
10 |
«Панҷшер» |
13 |
2 |
3 |
8 |
9-21 |
9 |
|
11 |
«Барқчӣ» |
13 |
2 |
2 |
9 |
13-30 |
8 |
|
12 |
«Кӯктош» |
13 |
1 |
2 |
10 |
4-34 |
5 |
Нишонзанҳо: Манучеҳр Ҷалилов («Истиқлол») – 10 гол, Элеке Чибуеке Блессинг («Истиқлол»), Артём Сердюк («Хуҷанд»), Ҷаҳонгир Эргашев («Эсхата») – 6-голӣ, Алишер Ҷалилов («Истиқлол»), Шериддин Бобоев («Ҳосилот») – 5-голӣ, Бахтиёр Зарипов, Нозим Бобоҷонов (Равшан”), Эммануэл Квадво Фримпонг («Регар-ТадАЗ»), Исломҷон Тошпулотов (“Хуҷанд”) – 4-голӣ.
Даври 14-ум
16-уми август (ҷумъа)
Оғози бозӣ – соати 18:00
«Хуҷанд» – «Регар-ТадАЗ»
17-уми август (шанбе)
Оғози бозиҳо – соати 18:00
«Эсхата» – «Ҳосилот»
«Вахш» – «Барқчӣ»
18-уми август (якшанбе)
Оғози бозиҳо – соати 18:00
«Кӯктош» – «Истиқлол»
«Истаравшан» – «Панҷшер»
«Равшан» – КМВА