Дар чорякфинал Бразилия бар Марокаш бо ҳисоби 3:1, Украина бар Венесуэла бо ҳисоби 9:4, Фаронса бар Парагвай бо ҳисоби 2:1 ва Аргентина бар Қазоқистон бо ҳисоби 6:1 пирӯз шуданд. Дар даври ниманиҳоӣ 2-юми октябр Бразилия бо Украина ва 3-юми октябр Фаронса бо Аргентина рақобат мекунанд.
Ёдовар мешавем, дастаи мунтахаби футзали Тоҷикистон, ки дар ҳарсе бозиаш дар мусобиқоти қаҳрамонии ҷаҳон дар Узбекистон аз тимҳои миллии Марокаш бо ҳисоби 2:4, Португалия бо ҳисоби 2:3 ва Панама бо ҳисоби 3:8 шикаст хӯрда буд, аз ҳаққи ширкат дар плей-офф маҳрум шуд.
Дар марҳилаи гурӯҳии мусобиқоти даҳуми қаҳрамонии футзали ҷаҳон дар Узбекистон 24 дастаи мунтахаб иштирок дошт. Дастаҳо ба шаш гурӯҳ тақсим шуда буданд.
Ду дастаи зӯртарин аз ҳар гурӯҳ - Парагвай, Нидерланд (гурӯҳи А), Бразилия, Тайланд (гурӯҳи В), Аргентина, Украина, (гурӯҳи С), Испания, Қазоқистон (гурӯҳи D), Португалия, Марокаш (гурӯҳи Е), Эрон, Фаронса (гурӯҳи F) – ба плей-офф роҳ ёфтанд.
Инчунин чаҳор дастаи нишондодҳояшон беҳтари ҷойҳои сеюм дар гурӯҳҳо - Коста-Рика, Хорвватия, Афғонистон ва Венесуэла - ба даври ҳаштякниҳоӣ роҳ пайдо карданд.
Баъди натиҷагирии марҳилаи гурӯҳӣ ҳашт дастаи мунтахаб - Узбекистон, Куба, Ангола, Либиё, Зеландияи Нав, Панама, Тоҷикистонг ва Гватемала - мусобиқотро тарк намуданд.
Боз ҳашт дастаи дигар - Коста-Рика, Ҳолланд ё Нидерланд, Испания, Афғонистон, Эрон, Португалия, Тайланд ва Хорватия - пас аз натиҷагирии бозиҳои даври ҳаштякниҳоӣ аз ҳаққи ширкат дар чорякфинал маҳрум шуданд. Чаҳор дастаи мунтахаб – Марокаш, Венесуэла, Парагвай ва Қазоқистон – баъди даври чорякниҳоӣ аз мусобиқот хориҷ гаштанд.
Ҳамин тариқ, чаҳор дастаи мунтахаб – Бразилия, Украина, Фаронса ва Аргентина, ки дар даври чорякниҳоӣ ғолиб шуданд, муборизаро дар нимфинал идома медиҳанд.
Плей-офф
1/8 финал
24 сентябр
Бразилия – Коста-Рика – 5:0
Нидерланд – Украина – 1:3
25 сентябр
Испания – Венесуэла – 1:2
Парагвай – Афғонистон- 3:1
26 сентябр
Эрон – Марокаш – 3:4
Португалия – Қазоқистон – 1:2
27 сентябр
Тайланд – Фаронса – 2:5
Аргентина – Хорватия – 2:0
1/4 финал
29 сентябр (якшанбе)
Бразилия — Марокаш – 3:1
Украина — Венесуэла – 9:4
30 сентябр (душанбе)
Фаронса — Парагвай – 2:1
Қазоқистон — Аргентина – 1:6
1/2 финал
2 октябр (чоршанбе)
20:00 | Бразилия – Украина
3 октябр (панҷшанбе)
20:00 | Фаронса – Аргентина.
Бозӣ барои ҷойи сеюм
6 октябр, 17:30
Финал
6 октябр, 20:00
Эзоҳ: замони оғози бозиҳо бо вақти Душанбест.
Мусобиқоти қаҳрамонии футзали ҷаҳон сар аз соли 1989 бори даҳум баргузор шудааст. Чаҳор тими миллӣ – Бразилия 5 бор, Испания 2 бор, Аргентина ва Португалия якборӣ - ба унвони қаҳрамони ҷаҳон даст ёфтаанд.
НАТОИҶИ БОЗИҲОИ НИҲОИИ ҚАҲРАМОНИИ ФУТЗАЛИ ҶАҲОН (1989 – 2021)
2021: Португалия – Аргентина - 2:1 (мизбон: Литва)
2016: Аргентина - Русия - 5:4 (Колумбия)
2012: Бразилия - Испания - 3:2, замони изофа. (Тайланд)
2008: Бразилия - Испания - 2:2, пен. 4:3 (Бразилия)
2004: Испания – Италия - 2:1 (Тайбэйи Чин)
2000: Испания - Бразилия - 4:3 (Гватемала)
1996: Бразилия - Испания - 6:4 (Испания)
1992: Бразилия - ИМА - 4:1 (Ҳонконг)
1989: Бразилия – Нидерланд - 2:1 (Нидерланд)