Ин бозии гурӯҳи “С” 3-юми декабр дар Варзишгоҳи марказии шаҳри Душанбе доир мегардад. Сардовари бозӣ Қосим Матар Ал-Ҳатмӣ аз Умон таъйин шудааст. Ба ӯ ҳамватанонаш Носир Салим Абдуллоҳ ва Ҳомид Толиб Сайф кӯмак мекунанд. Довари чаҳорум Яҳё Аҳмад Ал-Балушӣ низ аз Уммон мебошад. Нозири доварон Муҳаммад Бин Яъқуб (Малайзия) ва комиссари бозӣ Маҳмуд Обид (Фаластин) таъйин гаштаанд.
Билетҳои тамошои ин бозӣ дар варзишгоҳ се навъ аст. Нархи як билет барои минбари асосӣ 50 сомониро ташкил медиҳад. Барои се минбари дигар (шимол, шарқ ва ҷануб) нархи ҳар билет 20 сомонӣ муқаррар шудааст. Нархи билети VIP бошад, 200 сомонӣ мебошад.
Дар бозии дигари даври шашуми мусобиқот дар гурӯҳи “С” 3-юми декабр дастаи “Ал-Ваҳдат”-и Урдун дар Варзишгоҳи байналмилалии шаҳри Уммон бо тими “Шарҷа”-и Имороти Муттаҳидаи Арабӣ рқобат мекунад. Ин бозӣ ҳам соати 19:00 бо вақти Душанбе шуруъ мешававад.
Баъди натиҷагирии панҷ даври мусобиқот дар ҷадвали гурӯҳи “С” дастаи “Ал-Ваҳдат”, ки бо 11 имтиёз мақоми аввалро касб кардааст, пешакӣ ба марҳилаи плей-офф роҳхат гирифт. “Шарҷа” бо 10 имтиёз зинаи дуюмро соҳиб шудааст. “Сипоҳон” бо 7 имтиёз дар зинаи сеюм қарор дорад. “Истиқлол” бидуни имтиёз дар зинаи охирин – чаҳорум - ҷойгир шуда, дар панҷ бозӣ як гол зада, аз дарвозаи худ даҳ тӯб сар додааст.
Қаблан “Истиқлол” дар нахустин бозиаш дар Лигаи дуюми қаҳрамонҳои AFC-2024/25 дар майдони худ аз тими “Шарҷа” бо ҳисоби 0:1, дар даври дуюми мусобиқот дар варзишгоҳи «Фулодшаҳр»-и Исфаҳон аз тими «Сипоҳон» бо ҳисоби 0:4, дар даврҳои сеюму чаҳорум аз тими “Ал-Ваҳдат” дар шаҳрҳои Душанбе ва Уммон бо ҳисоби якхелаи 0:1 ва дар даври панҷум дар сафар аз тими “Шарҷа” бо ҳисоби 1:3 шикаст хӯрда буд.
“Истиқлол” зери раҳбарии сармураббӣ Игор Черевченко шонси ба даври баъдӣ баромаданро комилан аз даст додааст. Оқои Черевченко гуфт, “дар бозии ниҳоии хонагӣ шоҳиди футболи дигар хоҳем шуд.”
Лигаи дуюми қаҳрамонҳои AFC-2024/25
Гурӯҳи “С”
Даври аввал
«Истиқлол» - «Шарҷа» - 0:1
“Ал-Ваҳдат” – “Сипоҳон” – 2:1
Даври дуюм
«Сипоҳон» - «Истиқлол» - 4:0
“Шарҷа” – “Ал-Ваҳдат” – 2:2
Даври сеюм
“Истиқлол” - “Ал-Ваҳдат” – 0:1
“Шарҷа” – “Сипоҳон” – 3:1
Даври чаҳорум
“Ал-Ваҳдат” – “Истиқлол” – 1:0
“Сипоҳон” – “Шарҷа” – 3:1
Даври панҷум
“Шарҷа” – “Истиқлол” – 3:1
“Сипоҳон” – “Ал-Ваҳдат” – 1:1
Мавқеи дастаҳо дар ҷадвали гурӯҳи “С”
|
Ҷ |
Дастаҳо |
Б |
Ғ |
М |
Б |
Т |
И |
|
1 |
“Ал-Ваҳдат” |
5 |
3 |
2 |
0 |
7-4 |
11 |
|
2 |
“Шарҷа” |
5 |
3 |
1 |
1 |
10-7 |
10 |
|
3 |
“Сипоҳон” |
5 |
2 |
1 |
2 |
10-7 |
7 |
|
4 |
“Истиқлол” |
5 |
0 |
0 |
5 |
1-10 |
0 |
Даври шашум
3-юми декабр (сешанбе)
19:00 - “Истиқлол” – “Сипоҳон”
Душанбе (Тоҷикистон), Варзишгоҳи марказии ҷумҳуриявӣ.
19:00 (бо вақти Душанбе) “Ал-Ваҳдат” – “Шарҷа”
Уммон (Урдун). Варзишгоҳи байналмилалӣ.