Ба ҳайати дастаи мунтахаби Тоҷикистон 24 бозигар – 4 дарвозабон, 6 ҳимоятгар, 9 нимҳимоятгар ва 5 ҳамлагар - шомиланд. Футболбозони тоҷик зери раҳбарии Гела Шекиладзе омодагиро ба бозиҳои дӯстона рӯзи шанбеи 9-уми ноябр шуруъ мекунанд.
Ба иттилои Федератсияи футболи Тоҷикистон, дар рӯзҳои FIFA (Федератсияи байнулмилалии футбол) - моҳи ноябр – дар Душанбе силсилаи бозиҳои дӯстона байни тимҳои миллии Тоҷикистон, Афғонистон ва Непал, ки дар марҳилаи интихобии Ҷоми Осиё-2027 ширкат меварзанд, доир мегардад.
Нахуст рӯзи чоршанбеи 13-уми ноябр мунтахаби Тоҷикистон бо дастаи Непал бозӣ мекунад. Баъдан рӯзи шанбеи 16-уми ноябр бозӣ миёни дастаҳои Непал ва Афғонистон баргузор мешавад. Ва, ниҳоят рӯзи сешанбеи 19-уми ноябр бозии дӯстона миёни тимҳои миллии Тоҷикистону Афғонистон сурат мегирад. Ҳамаи бозиҳо дар Варзишгоҳи марказии Душанбе баргузор шуда, соати 18:00 оғоз меёбанд.
Дар радабандии FIFA (Федератсияи байнулмилалии футбол) Тоҷикистон дар байни 211 тими миллӣ дар ҷойи 105-ум, Афғонистон дар зинаи 151-ум ва Непал дар ҷойгоҳи 176-ум қарор доранд.
Ҳайати тими миллии футболи Тоҷикистон дар бозиҳои дӯстона бо мунтахабҳои Непал (13-уми ноябр) ва Афғонистон (19-уми ноябр):
Дарвозабонҳо: Рустам Ятимов («Ростов», Русия), Олег Баклов («Уфа», Русия), Муҳриддин Ҳасанов («Истиқлол»), Далерҷон Баротов («Истаравшан»);
Ҳимоятгарон: Ваҳдат Ҳанонов («Сипоҳон», Эрон), Зоир Ҷурабоев, Манучеҳр Сафаров (ҳарду аз «Нефтчӣ», Узбекистон), Аҳтам Назаров, Табрез Исломов, Содиқҷон Қурбонов (ҳама аз «Истиқлол»);
Нимҳимоятгарон: Парвизҷон Умарбоев (ССКА-1948, Булғористон), Алишер Ҷалилов, Амирбек Ҷурабоев, Эҳсони Панҷшанбе, Шервонӣ Мабатшоев, Ҳамадонӣ Камолов (ҳама аз «Истиқлол»), Алишер Шукуров («Вахш»), Азизбек Ҳаитов («Равшан»), Шуҳрат Элмуродов («Регар-ТадАЗ»);
Ҳамлагарон: Шаҳром Самиев («Андиҷон», Узбекистон), Далер Шарипов («Металлург», Узбекистон), Манучеҳр Ҷалилов, Рустам Соиров (ҳарду аз «Истиқлол»), Нуриддин Ҳамроқулов («Вахш»).
Сармураббӣ – Гела Шекиладзе (Гурҷистон/Белгия).
БОЗИҲОИ ДӮСТОНА
13-уми ноябр (чоршанбе)
Оғози бозӣ – соати 18:00
Тоҷикистон - Непал
Душанбе, Варзишгоҳи марказии ҷумҳуриявӣ
16-уми ноябр (шанбе)
Оғози бозӣ – соати 18:00
Непал - Афғонистон
Душанбе, Варзишгоҳи марказии ҷумҳуриявӣ
19-уми ноябр (сешанбе)
Оғози бозӣ – соати 18:00
Тоҷикистон - Афғонистон
Душанбе, Варзишгоҳи марказии ҷумҳуриявӣ