Нирӯҳои афғонӣ машғули ҷустуҷӯи як зани амрикоии корманди созмони хайрия ҳастанд, ки ахиран дар Қандаҳор аз ҷониби афроди силоҳбадаст рабуда шудааст. То ҳанӯз ҳеҷ гурӯҳе масъулияти рабоиши ин зани 49-соларо, ки дар тан бурқа дошту ҳамроҳ бо ронандааш рӯзи шанбе рабуда шуд, ба гардан нагирифтааст. Дар баробари Толибон дар Афғонистон гурӯҳҳои силоҳбадасти ҷиноии дигар машғули одамрабоӣ мебошанд.