Ҳайъати Тоҷикистонро дар ин иҷлос нахуствазир Оқил Оқилов раҳбарӣ мекунад. Интизор меравад, ки дар нишасти Маскав ду кишвар бар сари наҳваи иҷрои барномаи бунёди нирӯгоҳи Роғун ба як тасмими ниҳоӣ бирасанд. Ширкати "РусАл" бар асоси қарордоде, ки ду сол пеш имзо шуда буд, барои сохтмони ин нирӯгоҳ ваъдаи 570 миллион доллар сармоя карда буд, вале ҷонибҳо то кунун пиромуни баландии сарбанди обанбори нирӯгоҳ ва ҷинси масолеҳи ин сарбанд ихтилофи назар доранд.
