Ин бозии гурӯҳи “С” шаби сешанбеи 26-уми ноябр дар варзишгоҳи шаҳри Шарҷа соати 19:00 бо вақти Душанбе оғоз меёбад. Дастаи “Истиқлол”, ки нимаи дуюми рӯзи 24-уми ноябр ба Шарҷа расид, шоми якшанбе аввалин тамринашро дар доираи омодагӣ ба бозӣ муқобили “Шарҷа” анҷом дод.
Дар бозии дигари даври панҷуми мусобиқот дар гурӯҳи “С” 26-уми ноябр “Сипоҳон”-и Эрон бо “Ал-Ваҳдат”-и Урдун рақобат мекунад. Ин бозӣ дар варзишгоҳи “Grand Hamad Stadium”-и шаҳри Доҳаи Қатар соати 21:00 бо вақти Душанбе шуруъ мешавад.
Баъди натиҷагирии чаҳор даври мусобиқот дар ҷадвали гурӯҳи “С” дастаи “Ал-Ваҳдат” бо 10 имтиёз мақоми аввалро касб кардааст. “Шарҷа” бо 7 имтиёз зинаи дуюмро соҳиб шудааст. “Сипоҳон” бо 6 имтиёз дар зинаи сеюм қарор дорад. “Истиқлол” бидуни имтиёз дар зинаи охирин – чаҳорум - ҷойгир шуда, дар чаҳор бозӣ ягон гол назадааст ва аз дарвозаи худ ҳафт тӯб сар додааст.
Қаблан “Истиқлол” дар нахустин бозиаш дар Лигаи дуюми қаҳрамонҳои AFC-2024/25 дар майдони худ аз тими “Шарҷа” бо ҳисоби 0:1, дар даври дуюми мусобиқот дар варзишгоҳи «Фулодшаҳр»-и Исфаҳон аз тими «Сипоҳон» бо ҳисоби 0:4, дар даврҳои сеюму чаҳорум аз тими “Ал-Ваҳдат” дар Душанбе ва Уммон бо ҳисоби якхелаи 0:1 шикаст хӯрда буд.
“Истиқлол” зери раҳбарии сармураббӣ Игор Черевченко, ки дар ду бозии охир бо “Ал-Ваҳдат” аз шаш имтиёз бенасиб монд, шонси ба даври баъдӣ баромаданро комилан аз даст дод.
Лигаи дуюми қаҳрамонҳои AFC-2024/25
Гурӯҳи “С”
Даври аввал
«Истиқлол» - «Шарҷа» - 0:1
Гол: Муҳаммад Фирас Бен Арбӣ, 72
17-уми сентябр. Душанбе. Варзишгоҳи марказии ҷумҳуриявӣ. 10250 тамошобин.
“Ал-Ваҳдат” – “Сипоҳон” – 2:1
Голҳо: Ваҳдат Ҳанонов, 9 (0:1), Гюэй Оуссейноу, 22 (1:1), Иброҳим Сабра, 55 (2:1).
17-уми сентябр. Уммон (Урдун). Варзишгоҳи “Шоҳ Абдулло II ”.
Даври дуюм
«Сипоҳон» - «Истиқлол» - 4:0
Голҳо: Абубакар Камара, 40 (1:0). Ҷавод Оғоипур, 43 (2:0). Ҷавод Оғоипур, 47 (3:0). Браян Дабо, 76 (4:0).
1-уми октябр. Исфаҳон (Эрон). Варзишгоҳи «Фулодшаҳр». 6733 тамошобин.
“Шарҷа” – “Ал-Ваҳдат” – 2:2
Голҳо: Алкасер Пако, 9 (1:0), Гюэй
Оуссейноу, 28 (1:1), Гюэй Оуссейноу, 28 (1:2), Неҷасмик Дарко, 66 (2:2).
1-уми октябр. Шарҷа (Имороти Муттаҳидаи Арабӣ). Варзишгоҳи Халид Бин Муҳаммад.
Даври сеюм
“Истиқлол” - “Ал-Ваҳдат” – 0:1
Гол: Баҳа Файсал Сайф, 52 (0:1)
22-юми октябр. Душанбе, Варзишгоҳи марказии ҷумҳуриявӣ, 6745 тамошобин
“Шарҷа” – “Сипоҳон” – 3:1
Голҳо: Усмон Камара, 26 (1:0), Меҳдӣ Лимучӣ, 51 (1:1), Луанзинҳо, 70 (2:1), Кайо Лукас, 90 (3:1).
22-юми октябр. Шарҷа (Имороти Муттаҳидаи Арабӣ). Варзишгоҳи Халид Бин Муҳаммад.
Даври чаҳорум
“Ал-Ваҳдат” – “Истиқлол” – 1:0
Гол: Сезар Гуйе, 76
5-уми ноябр. Варзишгоҳи байналмилалии Уммон. 1124 тамошобин.
“Сипоҳон” – “Шарҷа” – 3:1
Голҳо: Амин Ҳазбавӣ, 12 (1:0), Ариа Юсуфӣ, 45+3 (2:0), Луанзинҳо, 61 (2:1), Ҷавод Оғойипур, 90+1 (3:1).
5-уми ноябр. Доҳа (Қатар). Варзишгоҳи Ҳамад Бин Халифа
Мавқеи дастаҳо дар ҷадвали гурӯҳи “С”
|
Ҷ |
Дастаҳо |
Б |
Ғ |
М |
Б |
Т |
И |
|
1 |
“Ал-Ваҳдат” |
4 |
3 |
1 |
0 |
6-3 |
10 |
|
2 |
“Шарҷа” |
4 |
2 |
1 |
1 |
7-6 |
7 |
|
3 |
“Сипоҳон” |
4 |
2 |
0 |
2 |
9-6 |
6 |
|
4 |
“Истиқлол” |
4 |
0 |
0 |
4 |
0-7 |
0 |
Даври панҷум
26-уми ноябр (сешанбе)
19:00 (бо вақти Душанбе) “Шарҷа” – “Истиқлол”
Шарҷа (Имороти Муттаҳидаи Арабӣ), варзишгоҳи Шарҷа
21:00 (бо вақти Душанбе) “Сипоҳон” – “Ал-Ваҳдат”
Доҳа (Қатар), варзишгоҳи “Grand Hamad Stadium”
Даври шашум
3-юми декабр (сешанбе)
19:00 - “Истиқлол” – “Сипоҳон”
Душанбе (Тоҷикистон), Варзишгоҳи марказии ҷумҳуриявӣ
19:00 (бо вақти Душанбе) “Ал-Ваҳдат” – “Шарҷа”
Уммон (Урдун). Варзишгоҳи байналмилалӣ
БА “ИСТИҚЛОЛ” ҶОМИ ҚАҲРАМОНӢ ВА МЕДАЛҲОИ ТИЛЛО СУПУРДА ШУД
22-юми ноябр, пас аз анҷоми бозии мавқуфмондаи даври 18-уми Лигаи олии футболи Тоҷикистон миёни дастаҳои “Истиқлол”-и Душанбе ва “Эсхата”-и Хуҷанд, ки дар Варзишгоҳи марказии ҷумҳуриявӣ баргузор шуда, бо пирӯзии душанбегиҳо бо ҳисоби 3:0 ба поён расид, ба бозигарону мураббиён ва ҳайати маъмурони дастаи “Истиқлол” Ҷом ва медалҳои тиллои мусобиқаи қаҳрамонии Тоҷикистон-2024 супурда шуд.
Дастаи «Истиқлол» дар мусобиқаи имсолаи лигаи олии футболи Тоҷикистон пешакӣ ба унвони қаҳрамони кишвар даст ёфт.
Зимнан, “Истиқлол” дар таърихи худ бори сездаҳум ва маротибаи ёздаҳум пайиҳам соҳиби унвони қаҳрамони Тоҷикистон гардид.
Ҳоло дар ҷадвали мусобиқоти лигаи олӣ «Истиқдол» бо 53 имтиёз аз 20 бозӣ пешсафи ягона аст ва натоиҷи ду бозии боқимонда бо дастаҳои “Равшан”-и Кӯлоб ва “Барқчӣ”-и Ҳисор мавқеи қаҳрамонро тағйир нахоҳад дод. Мубориза барои медалҳои нуқраю биринҷии мусобиқаи имсолаи қаҳрамонии футболи Тоҷикистон миёни дастаҳои лигаи олӣ идома меёбад.
Дар ҳамин ҳол дар ҷадвали мусобиқот “Хуҷанд”-и шаҳри Хуҷанд бо 43 имтиёз дар зинаи дуюм қарор дорад. Хуҷандиҳо ҳамаи 22 бозии худро ба анҷом расондаанд. “Равшан”-и Кӯлоб, ки ду бозии мавқуфмонда дорад, бо 40 имтиёз дар зинаи сеюм мебошад. Ин ду даста муддаии медалҳои нуқраю биринҷии мусобиқот ба шумор меравад.