Ин бозии даври сеюми мусобиқот дар гурӯҳи “С” рӯзи сешанбеи 22-юми октябр дар Варзишгоҳи марказии Душанбе соати 19:00 шуруъ мешавад.
Бозии дастаҳои “Истиқлол” ва “Ал-Ваҳдат”-ро гурӯҳи ҳакамон аз Ироқ доварӣ мекунанд. Сардовар Муҳанад Қосим Саррай, кӯмакдоварон Воҳид Убайд Ал-Сваедӣ, Аҳмад Сабоҳ Ал-Бағдодӣ, довари чаҳорум Аҳмад Кадҳим Гатеа (ҳама аз Ироқ) мебошанд. Нозири доварон – Солеҳ Муҳаммад Ал-Марзуқӣ аз Имороти Муттаҳидаи Арабӣ ва комиссари бозӣ Муҳаммад Саид Ал-Насрӣ аз Сурия таъйин шудаанд.
Ба иттилои бошгоҳи “Истиқлол”, дар ҳамин ҳол қаҳрамони Тоҷикистон зери раҳбарии сармураббӣ Игор Черевченко дар Варзишгоҳи марказии ҷумҳуриявӣ ба бозӣ муқобили “Ал-Ваҳдат” омодагӣ мебинад.
Нархи билети ин бозӣ барои минбари марказӣ 50 сомониро ташкил медиҳад. Барои се минбари дигар (шимол, шарқ ва ҷануб) нархи билет 20 сомонӣ муқаррар шудааст. Арзиши билети VIP бошад, 200 сомонӣ мебошад.
Ёдовар мешавем, “Истиқлол” дар нахустин бозиаш дар Лигаи дуюми қаҳрамонҳои AFC-2024/25 дар майдони худ аз тими “Шарҷа”-и Имороти Муттаҳидаи Арабӣ бо ҳисоби 0:1 ноком шуд. «Ал-Ваҳдат» бошад, дар бозии даври аввали гурӯҳи «С» дар майдони худ тими «Сипоҳон»-и Эронро бо ҳисоби 2:1 шикаст дод.
“Истиқлол” дар даври дуюми мусобиқот дар варзишгоҳи «Фулодшаҳр»-и Исфаҳон аз тими «Сипоҳон»-и Эрон бо ҳисоби бузурги 0:4 шикаст хӯрд. Бозии дигари даври дуюми мусобиқот дар гурӯҳи “С” миёни дастаҳои “Шарҷа”-и Имороти Муттаҳидаи Арабӣ ва “Ал-Ваҳдат”-и Урдун бо ҳисоби мусовии 2:2 хотима ёфт.
Ҳоло дар ҷадвали гурӯҳи “С” дастаҳои “Ал-Ваҳдат” ва “Шарҷа” бо чаҳоримтиёзӣ мутаносибан ҷойҳои якуму дуюмро соҳиб шудаанд. “Сипоҳон” бо се имтиёз дар зинаи сеюм қарор дорад. “Истиқлол” бидуни имтиёз дар зинаи охирин – чаҳорум - ҷойгир шудааст.
Дар бозии дигари даври сеюми мусобиқот дар гурӯҳи “С” 22-юми октябр “Шарҷа” дар майдони худ бо “Сипоҳон” бозӣ мекунад. Ин бозӣ ҳам соати 19:00 бо вақти Душанбе шуруъ мешавад.
Лигаи дуюми қаҳрамонҳои AFC-2024/25:
Гурӯҳи “С”
Даври аввал
«Истиқлол» - «Шарҷа» - 0:1
Гол: Муҳаммад Фирас Бен Арбӣ, 72
17-уми сентябр. Душанбе. Варзишгоҳи марказии ҷумҳуриявӣ. 10250 тамошобин.
“Ал-Ваҳдат” – “Сипоҳон” – 2:1
Голҳо: Ваҳдат Ҳанонов, 9 (0:1), Гюэй Оуссейноу, 22 (1:1), Иброҳим Сабра, 55 (2:1).
17-уми сентябр. Уммон (Урдун). Варзишгоҳи “Шоҳ Абдулло II ”.
Даври дуюм
«Сипоҳон» - «Истиқлол» - 4:0
Голҳо: Абубакар Камара, 40 (1:0). Ҷавод Оғоипур, 43 (2:0). Ҷавод Оғоипур, 47 (3:0). Браян Дабо, 76 (4:0).
1-уми октябр. Исфаҳон (Эрон). Варзишгоҳи «Фулодшаҳр». 6733 тамошобин.
“Шарҷа” – “Ал-Ваҳдат” – 2:2
Голҳо: Алкасер Пако, 9 (1:0), Гюэй
Оуссейноу, 28 (1:1), Гюэй Оуссейноу, 28 (1:2), Неҷасмик Дарко, 66 (2:2).
1-уми октябр. Шарҷа (Имороти Муттаҳидаи Арабӣ). Варзишгоҳи Халид Бин Муҳаммад.
Мавқеи дастаҳо дар ҷадвали гурӯҳи “С”
|
Ҷ |
Дастаҳо |
Б |
Ғ |
М |
Б |
Т |
И |
|
1 |
“Ал-Ваҳдат” |
2 |
1 |
1 |
0 |
4-3 |
4 |
|
2 |
“Шарҷа” |
2 |
1 |
1 |
0 |
3-2 |
4 |
|
3 |
“Сипоҳон” |
2 |
1 |
0 |
1 |
5-2 |
3 |
|
4 |
“Истиқлол” |
2 |
0 |
0 |
2 |
0-5 |
0 |
Даври сеюм
22-юми октябр (сешанбе)
19:00 -– “Истиқлол” - “Ал-Ваҳдат”
19:00 – “Шарҷа” – “Сипоҳон”