Барои Суперҷоми Тоҷикистон ду дастаи шаҳри Душанбе - «Истиқлол», қаҳрамони феълии Суперлигаи кишвар ва «Соро компания», барандаи ҷоизаи нуқраи мусобиқот, мубориза мебаранд.
Бозии аввал миёни дастаҳои “Истиқлол” ва “Соро компания”рӯзи шанбеи 12-уми октябр дар шаҳри Душанбе, дар маҷмааи варзишии Кумитаи андози Тоҷикистон соати 19:00 шуруъ мешавад.
Ба иттилои Лигаи касбии футзали Тоҷикистон, мусобиқоти имсолаи қаҳрамонии кишвар рӯзи шанбеи 19-уми октябр оғоз меёбад.
Дар мавсими нави Лигаи касбии футзали Тоҷикистон нӯҳ даста иштирок хоҳад кард. Панҷ даста – “Истиқлол” (қаҳрамони феълии Тоҷикистон), “Соро компания”, “Пойтахт”, “Амонатбонк”, “Сомон” - аз шаҳри Душанбе, “Сипар” ва “Хуҷанд” - ҳарду аз шаҳри Хуҷанд, “Истаравшан”-и шаҳри Истаравшан ва “Регар-ТадАЗ”-и шаҳри Турсунзода мебошанд.
Мусобиқоти имсола дар ду марҳила баргузор мешавад. Дар марҳилаи аввал дастаҳо бо системи "хона – сафар" бо ҳамдигар рақобат мекунанд.
Дар мавсими ҷорӣ Лигаи касбии футзали Тоҷикистон ҳақи кори доварон, инчунин бунёди ҷоизавиро ба маблағи 100 000 сомонӣ пардохт менамояд.
Суперлигаи футзали Тоҷикистон-2024
Даври якум
19-уми октябр (шанбе)
"Истиқлол - "Сомон"
"Соро компания - "Амонатбонк"
“Пойтахт” - “Хуҷанд”
“Сипар” - “Истаравшан”