Ин бозии даври дуюми мусобиқот дар гурӯҳи “А” шаби чоршанбеи 2-юми октябр дар Варзишгоҳи марказии Душанбе доир гардид. Голи ягонаро Гелсон Дала дар охири нимаи аввали дидор (дақиқаи 45+1) ба самар расонд.
“Равшан” нахустин бозиашро дар Лигаи дуюми қаҳрамонҳои AFC-2024/25 рӯзи 18-уми сентябр дар меҳмонӣ бо тими “Моҳун Баган”-и Ҳиндустон бо ҳисоби 0:0 анҷом дода буд. «Ал-Вақра» бошад, дар майдони худ аз тими «Трактор»-и Эрон бо ҳисоби 0:3 шикаст хӯрда буд.
Дар ҳамин ҳол дар ҷадвали гурӯҳи “А” тимҳои “Трактор” ва “Ал-Вақра” бо сеимтиёзӣ мутаносибан дар ҷойҳои якуму дуюм қарор доранд. Дастаҳои “Моҳун Баган” ва “Равшан”, ки якимтиёзӣ гирифтаанд, мутаносибан дар зинаҳои сеюму чаҳорум ҷойгир шудаанд.
Бозиҳои даври сеюми мусобиқот дар гурӯҳи “А” рӯзи чоршанбеи 23-юми октябр баргузор мешаванд. Нахуст дастаҳои “Моҳун Баган” ва “Ал-Вақра” дар варзишгоҳи шаҳри Калкуттаи Ҳиндустон соати 19:00 бо вақти Душанбе ба рақобат мепардозанд. Сипас бозӣ миёни дастаҳои “Трактор” ва “Равшан” дар варзишгоҳи Имом Ёдгори шаҳри Табризи Эрон соати 21:00 бо вақти Душанбе шуруъ мешавад.
Лигаи дуюми қаҳрамонҳои AFC-2024/25
Гурӯҳи “А”
Даври аввал
«Моҳун Баган» - «Равшан» - 0:0
18-уми сентябр. Калкутта. Варзишгоҳи «Вивекананда Юба Бхарати Криранган». 18 908 тамошобин.
“Ал-Вақра” – “Трактор” – 0:3
Голҳо: Томислав Стркалҷ, 13 (0:1), Меҳдӣ Туробӣ, 16 (0:2), Амирҳусейн Ҳусейнзода, 38 (0:3).
18-уми сентябр. Ал-Вакра. Варзишгоҳи “Ал-Ҷануб”.
Даври дуюм
“Равшан” – “Ал-Вақра” – 0:1
Гол: Гелсон Дала, 45+1
2-юми октябр. Душанбе, Варзишгоҳи марказии ҷумҳуриявӣ
“Трактор” – “Моҳун Баган” – бозӣ доир нашуд.
Мавқеи дастаҳо дар гурӯҳи “А”
|
Ҷ |
Дастаҳо |
Б |
Ғ |
М |
Б |
Т |
И |
|
1 |
“Трактор” |
1 |
1 |
0 |
0 |
3-0 |
3 |
|
2 |
“Ал-Вакра” |
2 |
1 |
0 |
1 |
1-3 |
3 |
|
3 |
“Моҳун Баган” |
1 |
0 |
1 |
0 |
0-0 |
1 |
|
4 |
“Равшан” |
2 |
0 |
1 |
1 |
0-1 |
1 |
Мусобиқот дар Лигаи дуюми қаҳрамонҳои AFC-2024/25 бо ширкати 32 даста сурат гирифтааст. Дастаҳо ба ду минтақа – Шарқ ва Ғарб - тақсим шудаанд. Ҳар як минтақа аз 16 даста иборат аст. Дастаҳои “Истиқлол” ва Равшан” ба минтақаи Ғарб дохиланд. Дастаи ғолиби минтақаҳо ҳуқуқ пайдо мекунад, ки соли оянда дар Лигаи элита ё олии бошгоҳҳои футболи Осиё иштирок намояд.