Ин бозии даври дуюми мусобиқот дар гурӯҳи “С” рӯзи сешанбеи 1-уми октябр дар варзишгоҳи «Фулодшаҳр»-и Исфаҳон соати 19:30 бо вақти маҳаллӣ (21:00 бо вақти Душанбе) шуруъ мешавад.
Дар арафаи бозӣ муқобили “Сипоҳон” Алишер Тухтаев, иҷрокунандаи вазифаи сармураббии дастаи “Истиқлол”, дар нишасти хабарӣ гуфт, “мо ба ин ҷо барои гирифтани имтиёзҳо омадаем. Ҳарчанд медонем, ки “Сипоҳон” тими хеле қавист ва дар майдони худ бозӣ мекунад.. Худи бозӣ нишон медиҳад, ки он чӣ гуна хоҳад буд.”
Сармураббии “Сипоҳон” Жозе Мораиш, мутахассиси 59-солаи португалӣ, дар ин нишаст гуфт, “мутаассифона, мушкилии мо ин буд, ки дастрасӣ ба бозиҳо ва иттилоот дар бораи тими ҳариф надоштем. Аммо медонем, ки “Истиқлол” футболбозони хуб дорад. Баъзеашон дар хориҷ ҳунарнамоӣ мекунанд ва якеашон – Ваҳдат Ҳанонов - дар тими мост. Мо барои бозии фардо омода ҳастем. Ҳадафи аслиамон дар ин бозӣ пирӯзист.“
Бозии дастаҳои “Сипоҳон” ва “Истиқлол”-ро гурӯҳи ҳакамон аз Ҷопон бо сардории Риё Танимото доварӣ мекунанд.
Ёдовар мешавем, “Истиқлол” дар нахустин бозиаш дар Лигаи дуюми қаҳрамонҳои AFC-2024/25 дар майдони худ аз тими “Шарҷа”-и Имороти Муттаҳидаи Арабӣ бо ҳисоби 0:1 ноком шуда буд. «Сипоҳон» бошад, дар бозии даври аввали гурӯҳи «С» дар сафар аз тими «Ал-Ваҳдат»-и Урдун бо ҳисоби 1:2 шикаст хӯрда буд.
Ҳоло дар ҷадвали гурӯҳи “С” дастаҳои “Ал-Ваҳдат” ва “Шарҷа” бо сеимтиёзӣ мутаносибан ҷойҳои якуму дуюмро соҳиб шудаанд. Дастаҳои “Сипоҳон” ва “Истиқлол” бидуни имтиёз мутаносибан дар зинаҳои сеюму чаҳорум қарор доранд.
Лигаи дуюми қаҳрамонҳои AFC-2024/25
Марҳилаи гурӯҳӣ. Даври аввал
Гурӯҳи “С”
«Истиқлол» - «Шарҷа» - 0:1
Гол: Муҳаммад Фирас Бен Арбӣ, 72
17-уми сентябр. Душанбе. Варзишгоҳи марказии ҷумҳуриявӣ. 10250 тамошобин.
“Ал-Ваҳдат” – “Сипоҳон” – 2:1
Голҳо: Ваҳдат Ҳанонов, 9 (0:1), Гюэй Оуссейноу, 22 (1:1), Иброҳим Сабра, 55 (2:1).
Мавқеи дастаҳо дар ҷадвали гурӯҳи “С”
|
Ҷ |
Дастаҳо |
Б |
Ғ |
М |
Б |
Т |
И |
|
1 |
“Ал-Ваҳдат” |
1 |
1 |
0 |
0 |
2-1 |
3 |
|
2 |
“Шарҷа” |
1 |
1 |
0 |
0 |
1-0 |
3 |
|
3 |
“Сипоҳон” |
1 |
0 |
0 |
1 |
1-2 |
0 |
|
4 |
“Истиқлол” |
1 |
0 |
0 |
1 |
0-1 |
0 |
Даври дуюм
1-уми октябр (сешанбе)
19:00 - “Сипоҳон” – “Истиқлол”
19:00 – “Шарҷа” – “Ал-Ваҳдат”