Дар ҳаштякфинал Бразилия ба Коста-Рика бо ҳисоби 5:0, Украина ба Ҳолланд ё Нидерланд бо ҳисоби 3:1, Венесуэла ба Испания бо ҳисоби 2:1, Парагвай ба Афғонистон бо ҳисоби 3:1, Марокаш ба Эрон бо ҳисоби 4:3, Қазоқистон ба Португалия бо ҳисоби 2:1, Фаронса ба Тайланд бо ҳисоби 5:2 ва Аргентина ба Хорватия бо ҳисоби 2:0 пирӯз шуданд.
Ба ин тартиб, дар даври чорякниҳоӣ 29-уми сентябр Бразилия бо Марокаш ва Украина бо Венесуэла, 30-юми сентябр Фаронса бо Парагвай ва Қазоқистон бо Аргентина рақобат мекунанд.
Ёдовар мешавем, дастаи мунтахаби футзали Тоҷикистон, ки дар ҳарсе бозиаш дар мусобиқоти қаҳрамонии ҷаҳон дар Узбекистон аз тимҳои миллии Марокаш бо ҳисоби 2:4, Португалия бо ҳисоби 2:3 ва Панама бо ҳисоби 3:8 шикаст хӯрда буд, аз ҳаққи ширкат дар даври ҳаштякниҳоӣ маҳрум шуд.
Дар марҳилаи гурӯҳии мусобиқоти даҳуми қаҳрамонии футзали ҷаҳон дар Узбекистон 24 дастаи мунтахаб иштирок дошт. Дастаҳо ба шаш гурӯҳ тақсим шуда буданд.
Ду дастаи зӯртарин аз ҳар гурӯҳ - Парагвай, Нидерланд (гурӯҳи А), Бразилия, Тайланд (гурӯҳи В), Аргентина, Украина, (гурӯҳи С), Испания, Қазоқистон (гурӯҳи D), Португалия, Марокаш (гурӯҳи Е), Эрон, Фаронса (гурӯҳи F) – ба плей-офф роҳ ёфтанд.
Инчунин чаҳор дастаи нишондодҳояшон беҳтари ҷойҳои сеюм дар гурӯҳҳо - Коста-Рика, Хорвватия, Афғонистон ва Венесуэла - ба даври баъдӣ роҳ пайдо карданд.
Баъди натиҷагирии марҳилаи гурӯҳӣ ҳашт дастаи мунтахаб - Узбекистон, Куба, Ангола, Либиё, Зеландияи Нав, Панама, Тоҷикистонг ва Гватемала - мусобиқотро тарк намуданд.
Боз ҳашт дастаи дигар - Коста-Рика, Ҳолланд ё Нидерланд, Испания, Афғонистон, Эрон, Португалия, Тайланд ва Хорватия - пас аз натиҷагирии бозиҳои даври ҳаштякниҳоӣ аз ҳаққи ширкат дар чорякфинал маҳрум шуданд.
Ҳамин тариқ, ҳашт дастаи мунтахаб – Бразилия, Украина, Венесуэла, Парагвай, Марокаш, Қазоқистон, Фаронса ва Аргентина, ки дар даври ҳаштякниҳоӣ ғолиб шуданд, муборизаро дар чорякфинал идома медиҳанд.
Плей-офф
1/8 финал
24 сентябр
Бразилия – Коста-Рика – 5:0
Нидерланд – Украина – 1:3
25 сентябр
Испания – Венесуэла – 1:2
Парагвай – Афғонистон- 3:1
26 сентябр
Эрон – Марокаш – 3:4
Португалия – Қазоқистон – 1:2
27 сентябр
Тайланд – Фаронса – 2:5
Аргентина – Хорватия – 2:0
1/4 финал
29 сентябр (якшанбе)
17:30. Бразилия — Марокаш
20:00. Украина — Венесуэла
30 сентябр (душанбе)
17:30. Фаронса — Парагвай
20:00. Қазоқистон — Аргентина.
Эзоҳ: замони оғози бозиҳо бо вақти Душанбест.
НАТОИҶИ БОЗИҲОИ НИҲОИИ ҚАҲРАМОНИИ ФУТЗАЛИ ҶАҲОН (1989 – 2021)
2021: Португалия – Аргентина - 2:1 (мизбон: Литва)
2016: Аргентина - Русия - 5:4 (Колумбия)
2012: Бразилия - Испания - 3:2, замони изофа. (Тайланд)
2008: Бразилия - Испания - 2:2, пен. 4:3 (Бразилия)
2004: Испания – Италия - 2:1 (Тайбэйи Чин)
2000: Испания - Бразилия - 4:3 (Гватемала)
1996: Бразилия - Испания - 6:4 (Испания)
1992: Бразилия - ИМА - 4:1 (Ҳонконг)
1989: Бразилия – Нидерланд - 2:1 (Нидерланд)