Дар бозиҳои аввали даври чорякниҳоии мусобиқот «Истиқлол»-и Душанбе бар «Истаравшан»-и Истаравшан бо ҳисоби 2:1, «Равшан»-и Кӯлоб бар КМВА (Клуби марказии варзишии артиши)-и Душанбе бо ҳисоби 1:0, «Регар-ТадАЗ»-и Турсунзода бар «Шодмон»-и Ҳисор бо ҳисоби 1:0 пирӯз шуданд. Бозии «Вахш»-и Бохтар бо «Хуҷанд»-и Хуҷанд бо ҳисоби 1:1 ба поён расид.
Бозиҳои ҷавобии даври чорякниҳоии Ҷоми Тоҷикистон-2024 рӯзҳои 30-31-уми август баргузор мешаванд. Аз рӯи натоиҷи бозиҳо ҷуфтҳои иштироккунандаи нимфинал муайян хоҳанд шуд.
Ҷоми Тоҷикистон-2024
1/4 финал. Бозиҳои аввал
«ШОДМОН» - «РЕГАР-ТАДАЗ» – 0:1
Гол: Осуман Кассим, 25.
Беҳтарин бозгари дидор: Осуман Кассим («Регар-ТадАЗ»).
23 август. Турсунзода. Варзишгоҳи «ТАЛКО-Арена». 750 тамошобин.
«ВАХШ» - «ХУҶАНД» – 1:1
Голҳо: Деян Тумбас, 76 (0:1). Нуриддин Ҳамроқулов, 86 (1:1).
Беҳтарин бозгари дидор: Бенҷамин Ампонса («Вахш»).
23 август. Бохтар. Варзишгоҳи «Пахтакор». 2000 тамошобин.
КМВА - «РАВШАН» – 0:1
Гол: Муҳаммадҷон Раҳимов, 7.
Аз майдон хориҷ шуд: Асатулло Норов (мураббии дарвозабонҳои КМВА), 69 – барои таҳқири доварон.
Беҳтарин бозгари дидор: Муҳаммадҷон Раҳимов («Равшан»).
24 август. Турсунзода. Варзишгоҳи «ТАЛКО-Арена». 300 тамошобин.
«ИСТИҚЛОЛ» - «ИСТАРАВШАН» – 2:1
Голҳо: Меҳрон Мадаминов, 17 (1:0). Димитар Митков, 41 – аз пеналти (2:0). Алишер Холмуродов, 84 (2:1).
Беҳтарин бозгари дидор: Шервонӣ Мабатшоев («Истиқлол»).
25 август. Душанбе. Варзишгоҳи марказии ҷумҳуриявӣ. 300 тамошобин.
1/4 финал. Бозиҳои ҷавобӣ
29 август | панҷшанбе
«Хуҷанд» - «Вахш»
Хуҷанд, варзишгоҳи «Спартак»
29 август |панҷшанбе
Оғози бозӣ– соати 18:00
«Регар-ТадАЗ» - «Шодмон»
Турсунзода, варзишгоҳи «ТАЛКО-Арена»
30 август | ҷумъа
Оғози бозӣ– соати 16:00
«Истаравшан» - «Истиқлол»
Истаравшан, Варзишгоҳи марказӣ
31 август | шанбе
Оғози бозӣ– соати 18:00
«Равшан» - КМВА
Кӯлоб, варзишгоҳи «Кӯлоб-Арена»
Дастаи «Истиқлол», ки соли гузашта дар бозии ниҳоии Ҷоми Тоҷикистон тими «Равшан»-и Кӯлобро аз рӯи силсилаи пеналти ё зарбаҳои 11-метрӣ бо ҳисоби 4:2 (замони асосӣ – 0:0, замони изофа – 1:1) шикаст дод, бори даҳум Ҷоми миллиро соҳиб шуд. Бозии ниҳоии Ҷоми Тоҷикистон-2023 1-уми ноябр дар Варзишгоҳи марказии шаҳри Кӯлоб доир гардид.
Бояд гуфт, ки мусобиқот барои Ҷоми Тоҷикистон бори 31-ум сурат гирифтааст. «Истиқол» 14 бор ба финали Ҷоми Тоҷикистон роҳ ёфта, аз ҳама бештар - 10 бор- Ҷоми миллиро ба даст овардааст.