Ба иттилои Федератсияи футболи Тоҷикистон, ин бозӣ 7-уми июл дар варзишгоҳи «Қурмонбек»-и шаҳри Ҷалолободи Қирғизистон баргузор шуд. Голи ягонаро Азизбек Далиев дар дақиқаи 43-юм аз пеналти ё ҷаримаи 11-метрӣ зад.
Дар даври баъдӣ рӯзи 9-уми июл мунтахаби ҷавонони Тоҷикистон бо ҳамсолони худ аз Қирғизистон рақобат мекунанд. Бозӣ соати 21:00 бо вақти Душанбе оғоз меёбад.
Дар қаҳрамонии CAFA-2024, ки то рӯзи 12-уми июл дар шаҳри Ҷалолобод идома мекунад, шаш дастаи минтақа ширкат дорад.
Бар асоси натоиҷи қуръакашӣ мунтахаби ҷавонони то 20-солаи Тоҷикистон бо тимҳои ҷавонони Афғонистон ва Қирғизистон ба гурӯҳи «А» шомил аст. Дар гурӯҳи «В» дастаҳои ҷавонони то 20-солаи Узбекистон, Эрон ва Туркманистон мубориза мебаранд.
Тибқи низомномаи мусобиқот дар марҳилаи гурӯҳӣ дастаҳо аз рӯи системи даврӣ дар як марҳила бозӣ мекунанд. Ғолибони гурӯҳ дар финал рақобат хоҳанд кард. Дастаҳое, ки дар гурӯҳҳои худ ҷойи дувумро мегиранд, барои медалҳои биринҷӣ мубориза мебаранд. Инчунин барои ҷойҳои панҷум ва шашум бозиҳои тасаллобахш баргузор мешаванд.
Ба ҳайати дастаи мунтахаби ҷавонони Тоҷикистон (U-20) таҳти роҳбарии мутахассиси словенӣ Милош Костич 22 бозигар – 3 дарвозабон, 7 ҳимоятгар, 8 нимҳимоятгар ва 4 ҳамлагар шомиланд.
Ҳайати дастаи мунтахаби ҷавонони Тоҷикистон (U-20) дар қаҳрамонии CAFA-2024:
Дарвозабонҳо: Шаҳобиддин Маҳмудзода («Барқчӣ»), Муҳаммад Абдулҳадов («Панҷшер»), Зафари Баҳруллозода («Шодмон»);
Ҳимоятгарон: Баракатулло Неъматуллозода, Ҷовидон Хушвахтов, Бахтовар Ғаюров, Микдод Розиқов, Рустам Камолов, Шаҳбон Наимов (ҳама аз «Барқчӣ»), Амири Фарҳод («Истаравшан»);
Нимҳимоятгарон: Абубакр Сулаймонов, Юнус Исматуллоев, Меҳрубон Ҳамидов, Фирдавс Раҳимов (ҳама аз «Барқчӣ»), Ҳоҷӣ Абдуманнон, Азизбек Муродов (ҳарду аз «Эсхата»), Азизбек Далиев («Хуҷанд»), Муҳаммад Муҳаммадзода («Равшан»);
Ҳамлагарон: Масрур Ғафуров, Билол Бобоев, Ориёнмеҳр Холиқзода, Шерзод Раҷабов (ҳама аз «Барқчӣ»).
Сармураббӣ – Милош Костич (Словения).
Қаҳрамонии CAFA-2024 байни дастаҳои мунтахаби ҷавонон (U-20):
Гурӯҳи «А»:
Қирғизистон
Тоҷикистон
Афғонистон
Гурӯҳи «В»:
Узбекистон
Эрон
Туркманистон
Гурӯҳи «А». Даври 2-юм
Тоҷикистон – Афғонистон – 1:0
Гол: Азизбек Далиев, 43 – аз пеналти.
7 июл. Ҷалолобод. Варзишгоҳи «Қурмонбек».
Мавқеи дастаҳо дар ҷадвали гурӯҳи “А”
|
Ҷ |
ДАСТАҲО |
Б |
Ғ |
М |
Б |
Т |
И |
|
1 |
Қирғизистон |
1 |
1 |
0 |
0 |
4-0 |
3 |
|
2 |
Тоҷикистон |
1 |
1 |
0 |
0 |
1-0 |
3 |
|
3 |
Афғонистон |
2 |
0 |
0 |
2 |
0-5 |
0 |
Даври 3-юм
9 июл (сешанбе)
Оғози бозӣ – соати 21:00 бо вақти Душанбе
Қирғизистон – Тоҷикистон
Ҷалолобод, варзишгоҳи «Қурмонбек»
Ёдовар мешавем, мунтахаби ҷавонони Тоҷикистон (U-20) дар марҳилаи интихобии Ҷоми Осиё-2025 дар гурӯҳи «Е» бо тимҳои Умон, Малайзия, Шри-Ланка ва Кореяи Шимолӣ бозӣ мекунад.
Бозиҳои ин гурӯҳ аз 21-ум то 29-уми сентябри имсол дар Варзишгоҳи марказии Душанбе доир мешаванд.
Тибқи натиҷагирии марҳилаи интихобӣ даҳ дастаи ғолиби гурӯҳҳо ва панҷ дастаи беҳтарини ҷойҳои дувум ба қисми ниҳоии Ҷоми Осиё-2025 роҳхат мегиранд. Марҳилаи ниҳоии Ҷоми Осиё-2025 байни дастаҳои ҷавонони то 20-сола аз 6-ум то 23-юми феврали соли оянда дар Чин барпо мегардад.