Вай барои задан ва ба марг расондани ҳамсараш муттаҳам аст. Дар ҳоле ки назари мард ва пайвандонаш дастрас нест, мақомот рӯзи 28-уми май гуфтанд, ӯ ҳамсарашро ба сабаби рашк латукӯб намудааст. Ҳодиса дар ҳудуди ноҳияи Рӯдакӣ рӯй додааст. Ҷое, ки ба иттилои расмӣ зану шавҳар ба таъмири як хона машғул буданд. "Дар натиҷа, зан ҷароҳатҳои вазнин бардошта, ҳангоми бурдан ба хонааш дар роҳ ҷон додааст," – хабар доданд дар Вазорати корҳои дохилӣ. Таҳқиқи ҳодиса идома дорад. Як созмони ҳомии ҳуқуқ дар Белгия моҳи марти имсол гуфт, бо вуҷуди қабули барномаҳои зиёд, ҳукумати Тоҷикистон натавонистааст пеши бадрафториву зулму ситамро ба занон бигирад. Ҳамкории Байнулмилалӣ Барои Ҳуқуқи Башар маълум кардааст, ки ҳар дувумин зани тоҷик дар як давраи умри худ латукӯб шуда ё таҳти фишори равониву иқтисодии шавҳар ё аъзои дигари оила мондааст.
Боздошти як марди тоҷик барои то дами марг задани ҳамсараш
Ҳодиса дар шаҳри Ваҳдат рух додааст
Маъмурони милиса дар Тоҷикистон як сокини 38-солаи шаҳри Ваҳдатро дастгир кардаанд.