Дар ин бозӣ, ки шаби сешанбеи 7-уми ноябр дар варзишгоҳи Абдуллоҳ Бин Халифаи шаҳри Доҳа баргузор шуд, дастаи мизбон - «Ал-Дуҳайл» - аз тими «Ал-Наср» бо ҳисоби 2:3 шикаст хӯрд.
Се голи меҳмононро Андерсон Талиска ба самар расонид. Ду голи мизбононро Филипп Коутинҳо зад. Зимнан, дар ин дидор капитан ё сарвони “Ал-Наср” португалӣ Криштиану Роналду иштирок надошт. Ба ӯ имкон доданд, ки истироҳат намояд.
Ёдовар мешавем, дастаи «Истиқлол»-и Тоҷикистон бозии даври чаҳоруми марҳилаи гурӯҳии Лигаи қаҳрамонҳои AFC-2023/24 дар гурӯҳи “Е”-ро бо тими «Персеполис»-и Эрон бо ҳисоби мусовии 1:1 анҷом дод.
Бозӣ миёни қаҳрамонҳои футболи Тоҷикистон ва Эрон шоми сешанбеи 7-уми ноябр дар Варзишгоҳи марказии Душанбе бо ҳузури 12 500 тамошогар доир гардид.
Ҳисоби бозиро дар дақиқаи 29-ум бозигари эрониҳо Меҳдӣ Туробӣ кушод. Дар нимаи дувуми бозӣ, дар дақиқаи 74-ум, легионери африқоии “Истиқлол” Сенин Себай ҳисобро баробар кард.
Ҳамин тариқ, “Персеполис” бо раҳбарии сармураббӣ Яҳё Гулмуҳаммадӣ дар меҳмонӣ муқобили “Истиқлол” як имтиёз гирифт.
“Истиқлол” бошад, таҳти раҳбарии сармураббӣ Игор Черевченко аз ду имтиёз бенасиб монд.
Ҳоло дар ҷадвали гурӯҳи “Е” дастаи “Ал-Наср” бо касби 12 имтиёз дар мақоми аввал аст. “Персеполис” бо касби 7 имтиёз дар зинаи дувум мебошад.
“Истиқлол” бо касби 2 имтиёз дар зинаи севум қарор дорад. “Ал-Дуҳайл” бо касби як имтиёз дар зинаи охирин – чаҳорум – ҷойгир шудааст.
Ба ин тартиб, барои дар гурӯҳи “Е” ғолиб шудан ба дастаи “Ал-Наср” дар ду бозии боқимондааш ду имтиёзи дигар кофист. Барои ҷойи дувум “Персеполис” талош дорад. “Истиқлол” ва “Ал-Дуҳайл” барои ба даври баъдӣ роҳ ёфтан ҳанӯз шонси худро комилан аз даст надодаанд, аммо амалан иҷро кардани ин вазифа ғайриимкон аст.
Аз рӯи натиҷагирии марҳилаи гурӯҳии Лигаи қаҳрамонҳои AFC-2023/24 ғолибони панҷ гурӯҳ дар ҳар як минтақа, инчунин се дастаи нишондодҳояшон хубтари ҷойҳои дувуми гурӯҳҳо дар ҳар як минтақа, дар маҷмуъ 16 даста, ба 1/8 финал роҳ пайдо мекунанд.
Марҳилаи гурӯҳии Лигаи қаҳрамонҳои AFC-2023/24
Минтақаи Ғарб
Гурӯҳи «Е»
Даври 1-ум
«Истиқлол» (Тоҷикистон) – «Ал-Дуҳайл» (Қатар) – 0:0
19-уми сентябр. Душанбе, Варзишгоҳи марказии ҷумҳуриявӣ.
«Персеполис» (Эрон) – «Ал-Наср» (Арабистони Саудӣ) – 0:2
Голҳо: Даниал Исмоилифар, 62 – ба дарвозаи худ (0:1). Муҳаммад Қосим Ал-Нахлӣ, 72 (0:2).
19-уми сентябр. Теҳрон, Варзишгоҳи Озодӣ.
Даври 2-юм
«Ал-Наср» (Арабистони Саудӣ) – «Истиқлол» (Тоҷикистон) – 3:1
Голҳо: Сенин Себай, 44 (0:1), Криштиану Роналду, 66 (1:1), Андерсон Талиска, 72 (2:1), Андерсон Талиска, 77 (3:1).
2-юми октябр. Риёз, варзишгоҳи «Ал-Аввал Парк».
«Ал-Дуҳайл» (Қатар) – «Персеполис» (Эрон) – 0:1
Гол: Умед Алишоҳ, 63 (0:1).
2-юми октябр. Доҳа, варзишгоҳи Абдуллоҳ Бин Халифа.
Даври 3-юм
«Персеполис» (Эрон) – «Истиқлол» (Тоҷикистон) – 2:0
Голҳо: Саид Содиқӣ, 44 (1:0), Саид Содиқӣ, 71 (2:0).
24-уми октябр. Теҳрон, варзишгоҳи Озодӣ.
«Ал-Наср» (Арабистони Саудӣ) - «Ал-Дуҳайл» (Қатар) – 4:3
Голҳо: Талиска, 25, (1:0), Садио Моне, 56 (2:0), Криштиану Роналду, 61 (3:0), Исмоил Муҳаммад, 63 (3:1), Алмоез Алӣ, 67 (3:2), Криштиану Роналду, 81 (4:2), Михаэл Олунга, 85, (4:3).
24-уми октябр. Риёз, варзишгоҳи «Ал-Аввал Парк».
Даври 4-ум
«Истиқлол» (Тоҷикистон) - «Персеполис» (Эрон) – 1:1
Голҳо: Меҳдӣ Туробӣ, 29 (0:1), Сенин Себай, 74 (1:1)
«Истиқлол» (Тоҷикистон): Рустам Ятимов, Содиқҷон Қурбонов, Иван Новоселетс, Артур Карташян, Табрез Исломов, Ромиш Ҷалилов, Денис Беганович, Эхсони Панҷшанбе, Алишер Ҷалилов, (сарвони даста), Ҳамадонӣ Камолов (Шаҳром Сулаймонов, 82), Сенин Себай (Шервонӣ Мабатшоев, 86).
7-уми ноябр. Душанбе. Варзишгоҳи марказии ҷумҳуриявӣ.
«Ал-Дуҳайл» (Қатар) - «Ал-Наср» (Арабистони Саудӣ) – 2:3
Голҳо: Филипп Коутинҳо, 8 (1:0), Андерсон Талиска, 27, (1:1), Андерсон Талиска, 37, (1:2), Филипп Коутинҳо, 80 (2:2), Андерсон Талиска, 87, (2:3).
7-уми ноябр. Доҳа. Варзишгоҳи Абдуллоҳ Бин Халифа.
Даври 5-ум
27-уми ноябр (душанбе)
21:00 (ба вақти Доҳа). «Ал-Дуҳайл» (Қатар) - «Истиқлол» (Тоҷикистон)
Доҳа. Варзишгоҳи Абдуллоҳ Бин Халифа.
23:00 (ба вақти Душанбе).
«Ал-Наср» (Арабистони Саудӣ) - «Персеполис» (Эрон)
Риёз, варзишгоҳи «Ал-Аввал Парк».
Даври 6-ум
5-уми декабр (сешанбе)
21:00 «Истиқлол» (Тоҷикистон) - «Ал-Наср» (Арабистони Саудӣ)
Душанбе. Варзишгоҳи марказии ҷумҳуриявӣ.
21:00 (ба вақти Душанбе).
«Персеполис» (Эрон) - «Ал-Дуҳайл» (Қатар)
Теҳрон, варзишгоҳи Озодӣ