Шумори фавтидаҳо дар садамаи кони ангишти Қазоқистон ба 43 нафар расид. Ҷасади 3 нафари дигар ҳанӯз пайдо нашудааст.
Бино ба иттилои мақомот аксари ҷасадҳоро шинохта намешавад. Наҷотбахшон мегӯянд, ба далели зери об мондани кон ва набуди барқ амалиёти ҷустуҷӯйи боқимондаҳо мушкил шудааст.
Шаби 27 ба 28-уми октябр дар кони ангишти ба номи Костенко дар вилояти Қарағанда сӯхтор ва баъди чанде таркиши шадид ба амал омад.
"АрселорМиттал Темиртау", молики кони ангишт, гуфт, ҳодиса бар асари таркиши гази метан сар задааст.
Бино ба иттилои ин ширкат, замони ҳодиса 252 нафар дар кон кор мекарданд. 208 нафарро аз таҳи замин берун оварда шуда, 18 нафар барои кӯмак ба пизишкон муроҷиат карданд. Кони ангишт беш аз 1400 корманд доштааст.
Қосимҷомарт Тоқаев, раиси ҷумҳурии Қазоқистон, 29-уми октябрро рӯзи мотами миллӣ эълон кард.