Масъулони барномаи "Шукуфоии Тоҷикистон" мегӯянд, зиндагии беш аз 190 ҳазор касро дар вилоятҳои Хатлону Бадахшон дигар карданд.
Барнома панҷ сол пеш бо сармояи Оҷонси Иёлоти Муттаҳидаи Амрико барои рушди байнулмилалӣ (USAID) ва Бунёди Оқохон сар шуда буд. Ҳоло ба поён расид.
Лоиҳа 16 ноҳияро фаро мегирифт. Бештар ба соҳаҳои беҳдошт, маориф, энергетика, кишоварзӣ ва дастрасӣ ба оби тоза равона шуда буд.
Мудири USAID дар Тоҷикистон мегӯяд, барои иҷрои барнома 20 миллион доллар харҷ карданд.
Намоядагони ҳукумати вилояти Хатлон аз самараҳои ин барнома розиянд.
Аз барномаи “Шукуфоии Тоҷикистон” деҳқонон ҳам баҳра бардоштаанд.
Ба 21 гурӯҳ аз кишоварзон техникаҳои зарурӣ дода шудааст.