Сарҳанг (полковник) Андрей Кондрашкин, фармондеҳи бригадаи 31-уми десантчиён (чатрбозон)-и Русия, ҳангоми даргирии давомдор бо нерӯҳои мусаллаҳи Украина кушта шудааст.
Дар ин бора як фармондеҳи нерӯҳои ҷудоиталаби зери ҳимояти Маскав дар Донбасси Украина рӯзи 18-уми сентябр хабар дод.
Александр Ходаковский тафсилоте пеш наовард.
Вазорати дифои Русия то ҳол ин изҳоротро тасдиқ накардааст.
Расонаҳои Украина мегӯянд, воҳиди низомии Кондрашкин дар наздикии шаҳри Бахмут воқеъ аст. Ҷое, ки моҳҳо боз саҳнаи даргирии сахт миёни нерӯҳои ишғолгари Русия ва артиши Украина мебошад.