"CAFA Futsal Cup-2023": Эрон ғолиб, Афғонистон дувум ва Узбекистон севум шуданд

Аввалин мусобиқоти қаҳрамонии Созмони футболи Осиёи Марказӣ миёни дастаҳои мунтахаби мардона оид ба футзал, ки бо иштироки шаш тими миллӣ аз 22-юм то 31-уми июл дар Қасри теннис ва маҷмааи варзиши обии Душанбе доир гардид, бо пирӯзии мунтахаби Эрон ба поён расид.

Дар даври ниҳоии мусобиқот тими миллии Эрон мунтахаби Тоҷикистонро бо ҳисоби 1:0 шикаст дод. Голи ягонаро дар нимаи дувуми дидор, дар дақиқаи 25-ум, Муҳаммадҳусейн Бозёр ба самар расонд.

Дар ду бозии дигари даври панҷум Узбекистон бар Қирғизистон бо ҳисоби 4:0 ва Афғонистон бар Туркманистон бо ҳисоби 3:2 пирӯз шуданд.

Ба ин тартиб, мунтахаби Эрон бо касби 12 имтиёз (4 ғалаба ва 1 бохт) мақоми аввалро азони худ кард. Дар маросими ҷоизасупорӣ ба эрониҳо Ҷоми «CAFA Futsal Cup-2023» ва медаҳои тило тақдим гардид.

Мақоми дувум ва медалҳои нуқра бо касби 10 имтиёз насиби тими миллии Афғонистон шуд. Мақоми севум ва медалҳои биринҷиро мунтахаби Узбекистон бо касби 9 имтиёз ба даст овард.

Вале мунтахаби Тоҷикистон бо роҳбарии сармураббӣ Пайрав Воҳидов, ки бо касби 7 имтиёз чаҳорум шуд, аз медалҳои мусобиқот бенасиб монд. Футзалбозони тоҷик бар дастаҳои Туркманистон (4:2) ва Қирғизистон (5:3) ғолиб шуда, бозиро бо тими Афғонистон мусовӣ (2:2) анҷом доданд ва аз дастаҳои мунтаби Узбекистон (2:4) ва Эрон (0:1) шикаст хӯрданд.

Аз рӯи натиҷагирии мусобиқот ҷоизаи «Fair Play» ба мунтахаби Тоҷикистон супурда шуд. Ҳусниддин Нишонов аз дастаи Узбекистон бо 5 гол беҳтарин нишонзан эътироф гардид. Ҷоизаи «Беҳтарин дарвозабони мусобиқот» ба Маҳдӣ Рустамӣ аз тими Эрон эҳдо гашт. Бозигари аз ҳама судманди мусобиқоти «CAFA Futsal Cup-2023» Алӣ Акрамӣ (Эрон) дониста шуд.

«CAFA Futsal Cup-2023»

Даври 1-ум

Узбекистон – Тоҷикистон – 4:2

Голҳо: Дилшод Раҳматов, 16 (1:0). Ҳусниддин Нишонов, 18 (2:0). Файзалӣ Сардоров, 19 – аз пеналти (2:1). Акбар Усмонов, 24 (3:1). Дилшод Саломов, 25 (3:2). Илҳомҷон Ҳамроев, 33 (4:2).

Қирғизистон – Афғонистон – 4:5

Голҳо: Дониёр Талайбеков, 5 (1:0). Шоҳрух Махмадаминов, 6 (2:0). Ризо Ҳусейнпур, 10 (2:1). Муҳаммад Алӣ Фаёзӣ, 13 (2:2). Ҳамид Ризо Ҳусайнӣ, 15 (2:3). Меҳрон Ғуломӣ, 18 (2:4). Муҳаммад Аскарбеков, 25 (3:4). Дониёр Талайбеков, 34 (4:4). Меҳрон Ғуломӣ, 38 (4:5).

Эрон – Туркманистон – 1:2

Голҳо: Қиличмурод Қиличмуродов, 32 (0:1). Алӣ Акрамӣ, 33 (1:1). Мақсад Султонов, 38 (1:2).

Даври 2-юм

Тоҷикистон – Туркманистон – 4:2

Голҳо: Некрӯз Алимаҳмадов, 3 (1:0). Ширӣ Байрамдурдиев, 6 (1:1). Файзалӣ Сардоров, 6 (2:1). Муҳаммадҷон Шарипов, 11 (3:1). Дилшод Саломов, 14 (4:1). Некрӯз Идиев, 36 – ба дарвозаи худ (4:2).

Эрон – Қирғизистон – 1:0

Гол: Маҳдӣ Рустамӣ, 38.

Узбекистон – Афғонистон – 3:4

Голҳо: Ҳамид Ризо Ҳусайнӣ, 2 (0:1). Ҳусниддин Нишонов, 20 (1:1). Ҳусниддин Нишонов, 20 (2:1). Ҳусниддин Нишонов, 28 (3:1). Сайид Ҳусейн Мусавӣ, 34 (3:2). Муҳаммад Алӣ Фаёзӣ, 37 (3:3). Ризо Ҳусейнпур, 40 (3:4).

Даври 3-юм

Тоҷикистон – Қирғизистон – 5:3

Голҳо: Алмазбек Саматуулу, 5 (0:1). Некрӯз Алимаҳмадов, 9 (1:1). Бектур Илёсов, 10 (1:2). Муҳаммадҷон Шарипов, 12 (2:2). Муҳаммад Аскарбеков, 17 (2:3). Дилшод Саломов, 18 (3:3). Бахтиёр Солиев, 28 (4:3). Файзалӣ Сардоров, 39 (5:3).

Туркманистон – Узбекистон – 1:3

Голҳо: Ихтиёр Рофиев, 3 (0:1). Акбар Усмонов, 13 (0:2). Илҳомҷон Ҳамроев, 35 (0:3). Ширӣ Байрамдурдиев, 37 (1:3).

Афғонистон – Эрон – 1:5

Голҳо: Беҳрӯз Азимиҳимматабадӣ, 3 (0:1). Билол Исмоили Куранӣ, 8 (0:2). Соран Балканӣ, 11 (0:3). Баҳман Гургеҷ, 18 (1:3). Алӣ Халилванд Сомеҳсофла, 30 (1:4). Масъуд Юсуф Шавардозӣ, 36 (1:5).

Даври 4-ум

Афғонистон – Тоҷикистон – 2:2

Голҳо: Нусратшо Исмоилов, 8 (0:1). Баҳман Гургеҷ, 14 (1:1). Муҳаммад Алӣ Фаёзӣ, 35 (2:1). Самандар Ризомов, 38 (2:2).

Эрон – Узбекистон – 5:0

Голҳо: Алӣ Халилванд Сомеҳсофла, 2 (1:0). Алӣ Акрамӣ, 4 (2:0). Акбар Усмонов, 8 – ба дарвозаи худ (3:0). Амирҳусейн Деҳгонибангудӣ, 33 (4:0). Алӣ Халилванд Сомеҳсофла, 35 (5:0).

Қирғизистон – Туркманистан – 0:2

Голҳо: Мулкамон Аннақулиев, 28 (0:1). Мақсад Султонов, 37 (0:2).

Даври 5-ум

Тоҷикистон – Эрон – 0:1

Гол: Муҳаммадҳусейн Бозёр, 25.

Туркманистон – Афғонистон – 2:3

Голҳо: Ризо Ҳусейнпур, 22 (0:1). Абдулғаффор Содиқӣ, 28 (0:2). Қурбонгелдӣ Саҳедов, 33 (1:2). Меҳрон Ғуломӣ, 39 (1:3). Қиличмурод Қиличмуродов, 39 (2:3).

Узбекистон – Қирғизистон – 4:0

Голҳо: Ҳусниддин Нишонов, 10 (1:0). Абдулло Солеҳов, 29 (2:0). Суннатулло Ҷӯраев, 34 (3:0). Илҳомҷон Ҳамроев, 40 (4:0).

Мавқеи дастаҳо дар ҷадвали ниҳоии мусобиқот