Ҳамаи ширкаткунандагони мусобиқоти қаҳрамонии футболи ҷаҳон (U-20) байни дастаҳое, ки аз футболбозони то 20-сола таркиб ёфтаанд, маълум шуданд, хабар медиҳад Sports.uz.
23-юмин давраи мусобиқоти қаҳрамонии футболи ҷаҳон (U-20) аз 20-уми май то 11-уми июни соли 2023 дар Индонезия баргузор мешавад, ки дар он 24 дастаи мунтахаб иштирок мекунад. Қуръакашии марҳилаи гурӯҳии мусобиқот 31-уми март доир мегардад.
Аз рӯи натиҷагирии бозиҳои чорякфиналии Ҷоми Осиё-2023, ки ҳоло дар Узбекистон ҷараён дорад, аз АFC (Конфедератсияи футболи Осиё) ба қаҳрамонии ҷаҳон ширкаткунандагони даври ниманиҳоӣ – дастаҳои мунтахаби ҷавонони Узбекистон, Кореяи Ҷанубӣ, Ироқ ва Ҷопон – роҳ пайдо карданд.
Қаҳрамони феълии ҷаҳон мунтахаби ҷавонони Украина (2019) ва ноиби қаҳрамон мунтахаби Кореяи Ҷанубӣ мебошанд. Вале дастаи Украина, ки аз марҳилаи интихобӣ нагузашт, дар қаҳрамонии ҷаҳон-2023 иштирок намекунад. Дарвоқеъ, ин ҳафтумин ҳолатест, ки қаҳрамони амалкунанда наметавонад унвони худро ҳифз намояд. Аммо ҷоизадорони дигари қаҳрамонии ҷаҳон-2019 ва дастаи ҷойи чаҳорум – мутаносибан Кореяи Ҷанубӣ, Эквадор ва Италия – ширкат меварзанд.
Ҳамаи 24 иштироккунандаи қаҳрамонии футболи ҷаҳон-2023 (U-20)
УЕФА - 5 дастаи мунтахаб аз рӯи натиҷагирии қаҳрамонии ҷаҳон-2022 (U-19):
Англия - қаҳрамон
Исроил - финалист
Фаронса - нимфиналист
Италия - нимфиналист
Словакия – ҷойи 5-ум
КОНКАКАФ - 4 дастаи мунтахаб аз рӯи натиҷагирии қаҳрамонии ҷаҳон-2022 (U-19):
ИМА - қаҳрамон
Доминикан - финалист
Гватемала - нимфиналист
Гондурас - нимфиналист
ОФК – 2 дастаи мунтахаби аз рӯи натиҷагирии қаҳрамонии ҷаҳон-2022 (U-19):
Зеландияи Нав - қаҳрамон
Фиҷи - финалист
КОНМЕБОЛ - 4 дастаи мунтахаб аз рӯи натиҷагирии қаҳрамонии ҷаҳон-2023 (U-20):
Бразилия - қаҳрамон
Уругвай – ҷойи 2-юм
Колумбия – ҷойи 3-юм
Эквадор – ҷойи 4-ум
КАФ - 4 дастаи мунтахаб аз рӯи натиҷагирии қаҳрамонии ҷаҳон-2023 (U-20):
Сенегал - қаҳрамон
Гамбия - финалист
Нигерия - нимфиналист
Тунис - нимфиналист
АFC - 5 дастаи мунтахаб – кишвари мизбон+ аз рӯи натиҷагирии қаҳрамонии ҷаҳон-2023 (U-20):
Индонезия – кишвари мизбони қаҳрамонии ҷаҳон-2023
Узбекистон, Ироқ, Кореяи Ҷанубӣ, Ҷопон – натиҷаҳои ниҳоӣ 18-уми март муайян мешаванд.
Ёдовар мешавем, чаҳор дастаи мунтахаб ба даври ниманиҳоии Ҷоми Осиё-2023 миёни футболбозони то 20-сола, ки дар Узбекистон ҷараён дорад, роҳ ёфт. Дар нимфинал рӯзи чоршанбеи 15-уми март Ироқ бо Ҷопон ва Узбекистон бо Кореяи Ҷанубӣ рақобат мекунанд.
Вале дастаи мунтахаби ҷавонони Тоҷикистон (U-20), ки дар марҳилаи ниҳоии Ҷоми Осиё-2023 дар гурӯҳи «С» бо касби 4 имтиёз дар зинаи сеюм қарор гирифт, аз ҳаққи ширкат дар даври чорякниҳоӣ маҳрум гашт.