Дастаҳои мунтахаби Фаронса ва Англия, ки рӯзи якшанбе, 4-юми декабр, дар бозиҳои даври 1/8-ниҳоии Ҷоми ҷаҳонии футбол-2022 дар Қатар ба рақибонашон пирӯз шуданд, ба чорякфинали мусобиқот роҳ ёфтанд.
Дар бозии аввали даври ҳаштякниҳоӣ қаҳрамони феълии ҷаҳон Фаронса бо мунтахаби Лаҳистон рақобат кард. Фаронсавиҳо, ки пешакӣ ба плей-офф баромада буданд, ба таври одилона муддаиёни унвони қаҳрамонӣ маҳсуб мешаванд. Лаҳистониҳо бошанд, бо заҳмати зиёд ба 1/8 финал роҳ ёфтанд ва ин натиҷаи беҳтарини онҳо аз соли 1986 ба шумор меравад. Дар бозии ин ҷуфт натиҷаи ҳайратовар рух надод. Мунтахаби Фаронса дилпурона бо ҳисоби 3:1 ғолиб шуд.
Баъдан дастаҳои мунтахаби Англия ва Сенегал дар даври ҳаштякниҳоӣ рақобат карданд. Дастаи Гарет Саутгейт ба плей-офф бидуни бохт аз ҷойи аввал баромада буд. Сенегал бошад, ба мусобиқот бебарор шуруъ кард, аммо дар натиҷа ба 1/8 финал роҳ ёфт. Вале дар ҳаштякфинал қаҳрамонии дастаи африқоӣ хотима ёфт. Англия рақибашро бо ҳисоби 3:0 шикаст дод ва пеш рафт.
Ҳамакнун мунтахаби Фаронса бо тими Англия дар чорякфинали мусобиқот рӯзи 10-уми декабр бозӣ мекунад.
Ёдовар мешавем, дар рӯзи аввали плей-офф – 3-юми декабр - ба даври баъдӣ дастаҳои мунтахаби Нидерланд ва Аргентина, ки аввалин ҷуфти чорякфиналро ташкил доданд, роҳхат гирифтанд. Мунтахаби Нидерланд дар даври чорякниҳоӣ бо мунтахаби Аргентина 9-уми декабр бозӣ мекунад.
Натиҷаҳои чаҳор бозии даври 1/8-ниҳоии мусобиқот, ки 3-4-уми декабр баргузор шуданд:
Нидерланд – ИМА − 3:1 (2:0)
Голҳо: Депай, 10 (1:0). Блинд, 45+1 (2:0). Райт, 76 (2:1). Дюмфрис, 81 (3:1)
3 декабр. Khalifa International Stadium (Давҳа)
Аргентина – Австралия − 2:1 (1:0)
Голҳо: Месси, 35 (1:0). Алварес, 57 (2:0). Фернандес, 77 – ба дарвозаи худ (2:1).
3 декабр. Ahmad bin Ali Stadium (Ар-Райён)
Голҳо: Жиру, 44 (1:0). Мбаппе, 74 (2:0). Мбаппе, 90+1 (3:0). Левандовский, 90+9 — аз пеналти (3:1).
4 декабр. Al Thumama Stadium (Давҳа)
Англия — Сенегал — 3:0
Голҳо: Ҳендерсон, 38 (1:0). Кейн, 45+3 (2:0). Сака, 57 (3:0).
4 декабр. Al Bayt Stadium (Ал-Ҳавр)
Ба ин тартиб, дар ҳаштякфинали Ҷоми ҷаҳонӣ, ки рӯзҳои 4-6-уми декабр баргузор мешавад, боз дар чаҳор бозии дигар Ҷопон бо Хорватия, Бразилия бо Кореяи Ҷанубӣ, Марокаш бо Испания ва Португалия бо Швейтсария рақобат мекунанд.
1/8 финал
5 декабр, душанбе
Ҷопон - Хорватия (20:00)
Бразилия – Кореяи Ҷанубӣ (00:00)
6 декабр, сешанбе
Марокаш - Испания (20:00)
Португалия - Швейтсария (00:00)
Дар Ҷоми ҷаҳонии футбол дар Қатар то ҳоло аз 64 бозӣ 52-тоаш баргузор шуд. 42 бозӣ бо пирӯзии яке аз дастаҳо хотима ёфт, 10 бозӣ бо ҳисоби мусовӣ ё баробар ба анҷом расид. Ҳамагӣ 134 гол зада шуд. То ҳоло ҳисоби рекордӣ дар бозии дастаҳои Испания ва Коста-Рика мушоҳида гардидааст – 7:0 ба фоидаи Испания.
Мусобиқоти қаҳрамонии футболи ҷаҳон-2022 дар Қатар, ки 20-уми ноябр шуруъ шуд, то рӯзи 18-уми декабр идома хоҳад кард. Бозиҳо дар ҳашт варзишгоҳи панҷ шаҳри Қатар сурат гирифтааст.
Дар марҳилаи гурӯҳӣ 32 дастаи мунтахаб, ки ба 8 гурӯҳи чордастаӣ тақсим шуда буд, барои роҳ ёфтан ба плей-офф мубориза бурд. Марҳилаи гурӯҳӣ 2-юми декабр ба анҷом расид. Дастаҳое, ки дар гурӯҳҳо ҷойҳои якуму дуюмро гирифтанд, ба даври ҳаштякниҳоӣ роҳ ёфтанд.
Тимҳои миллии Фаронса, Бразилия, Португалия, Нидерланд, Сенегал, Англия, ИМА (Иёлоти Муттаҳидаи Амрико), Аргентина, Лаҳистон, Австралия, Ҷопон, Испания, Марокаш, Хорватия, Швейтсария ва Кореяи Ҷанубӣ ба плей-офф баромаданд.
Вале дастаҳои мунтахаби Эквадор, Қатар, Эрон, Уэлс, Мексика, Арабистони Саудӣ, Тунис, Дания, Олмон, Коста-Рика, Белгия, Канада, Камерун, Сербия, Ғана ва Уругвай аз ҳаққи иштирок дар даври ҳаштякниҳоӣ маҳрум шуданд.
Ҷоми ҷаҳонии футбол-2022 дар Қатар
Таркиби гурӯҳҳо:
гурӯҳи А – Қатар, Эквадор, Сенегал, Нидерланд;
гурӯҳи В – Англия, Эрон, ИМА (Иёлоти Муттаҳидаи Амрико), Уэлс;
гурӯҳи С – Аргентина, Арабистони Саудӣ, Мексика, Лаҳистон (Полша);
гурӯҳи D – Фаронса, Австралия, Дания, Тунис;
гурӯҳи Е – Испания, Коста-Рика, Олмон, Ҷопон;
гурӯҳи F – Белгия, Канада, Марокаш, Хорватия;
гурӯҳи G – Бразилия, Сербия, Швейтсария, Камерун;
гурӯҳи H - Португалия, Ғана, Уругвай, Кореяи Ҷанубӣ.
Ҷадвали баргузории бозиҳо:
Марҳилаи гурӯҳӣ
20 ноябр, якшанбе
Гурӯҳи А. Қатар – Эквадор – 0:2
21 ноябр, душанбе
Гурӯҳи B. Англия – Эрон – 6:2
Гурӯҳи A. Сенегал – Нидерланд – 0:2
Гурӯҳи B. ИМА– Уэлс – 1:1
22 ноябр, сешанбе
Гурӯҳи C. Аргентина – Арабистони Саудӣ – 1:2
Гурӯҳи D. Дания – Тунис – 0:0
Гурӯҳи C. Мексика – Лаҳистон – 0:0
Гурӯҳи D. Фаронса – Австралия – 4:1
23 ноябр, чоршанбе
Гурӯҳи F. Марокаш – Хорватия – 0:0
Гурӯҳи E. Олмон – Ҷопон – 1:2
Гурӯҳи E. Испания – Коста-Рика – 7:0
Гурӯҳи F. Белгия – Канада – 1:0
24 ноябр, панҷшанбе
Гурӯҳи G. Швейтсария – Камерун − 1:0
Гурӯҳи H. Уругвай –Кореяи Ҷанубӣ − 0:0
Гурӯҳи H. Португалия – Ғана − 3:2
Гурӯҳи G. Бразилия – Сербия − 2:0
25 ноябр, ҷумъа
Гурӯҳи B. Уэлс – Эрон – 0:2
Гурӯҳи А. Қатар – Сенегал − 1:3
Гурӯҳи A. Нидерланд – Эквадор − 1:1
Гурӯҳи B. Англия – ИМА − 0:0
26 ноябр, шанбе
Гурӯҳи D. Тунис – Австралия – 0:1
Гурӯҳи С. Лаҳистон – Арабистони Саудӣ – 2:0
Гурӯҳи D. Фаронса– Дания − 2:1
Гурӯҳи C. Аргентина – Мексика − 2:0
27 ноябр, якшанбе
Гурӯҳи E. Ҷопон – Коста-Рика – 0:1
Гурӯҳи F. Белгия – Марокаш – 0:2
Гурӯҳи F. Хорватия – Канада – 4:1
Гурӯҳи E. Испания – Олмон – 1:1
28 ноябр, душанбе
Гурӯҳи G. Камерун – Сербия − 3:3
Гурӯҳи H. Кореяи Ҷанубӣ – Ғана − 2:3
Гурӯҳи G. Бразилия – Швейтсария – 1:0
Гурӯҳи H. Португалия – Уругвай – 2:0
29 ноябр, сешанбе
Гурӯҳи A. Эквадор – Сенегал – 1:2
Гурӯҳи A. Нидерланд – Қатар – 2:0
Гурӯҳи B. Эрон – ИМА – 0:1
Гурӯҳи B. Уэлс – Англия – 3:0
30 ноябр, чоршанбе
Гурӯҳи D. Австралия – Дания – 1:0
Гурӯҳи D. Тунис – Фаронса – 1:0
Гурӯҳи C. Арабистони Саудӣ – Мексика – 1:2
Гурӯҳи C. Лаҳистон– Аргентина – 0:2
1 декабр, панҷшанбе
Гурӯҳи F. Канада – Марокаш− 1:2
Гурӯҳи F. Хорватия – Белгия − 0:0
Гурӯҳи E. Коста-Рика – Олмон− 2:4
Гурӯҳи E. Ҷопон – Испания − 2:1
2 декабр, ҷумъа
Гурӯҳи H. Ғана – Уругвай − 0:2
Гурӯҳи H. Португалия – Кореяи Ҷанубӣ − 1:2
Гурӯҳи G. Сербия – Швейтсария – 2:3
Гурӯҳи G. Камерун – Бразилия − 1:0
1/8 финал
3 декабр, шанбе
1 - Нидерланд - ИМА – 3:1
2 - Аргентина - Австралия – 2:1
4 декабр, якшанбе
3 - Фаронса - Лаҳистон – 3:1
4 - Англия - Сенегал – 3:0
5 декабр, душанбе
5 - Ҷопон - Хорватия (20:00)
6 - Бразилия – Кореяи Ҷанубӣ (00:00)
6 декабр, сешанбе
7 - Марокаш - Испания (20:00)
8 - Португалия - Швейтсария (00:00)
1/4 финал
9 декабр, ҷумъа
Чорякфинали 1: Ҷопон/Хорватия - Бразилия/Кореяи Ҷанубӣ (20:00)
Чорякфинали 2: Нидерланд - Аргентина (00:00)
10 декабр, шанбе
Чорякфинали 3: Марокаш/Испания - Португалия/Швейтсария (20:00)
Чорякфинали 4: Фаронса - Англия (00:00)
1/2 финал
13 декабр, сешанбе
Нимфинали 1: Ғолиби чорякфинали 2 – Ғолиби чорякфинали 1 (00:00)
14 декабр, чоршанбе
Нимфинали 2: Ғолиби чорякфинали 4 - Ғолиби чорякфинали 3 (00:00)
Бозӣ барои ҷои 3-юм:
17 декабр, шанбе
Мағлуби нимфинали 1 – Мағлуби нимфинали 2 (20:00)
ФИНАЛ
18 декабр, якшанбе
Ғолиби нимфинали 1 – Ғолиби нимфинали 2 (20:00)
Эзоҳ: замони оғози бозиҳо – ба вақти Душанбе