Баъди натиҷагирии бозиҳои даври ҳаждаҳуми қаҳрамонии футболи Тоҷикистон миёни дастаҳои лигаи олӣ, ки рӯзҳои 21-23-юми октябр баргузор шуд, давраи дувуми мусобиқот ба поён расид.
Аз панҷ бозии даври ҳаждаҳум чаҳортоаш бо натиҷаи мусовӣ хотима ёфт. Бозиҳо миёни дастаҳои “Хуҷанд” – “Эсхата”, “Равшан”-и Кӯлоб – “Хатлон”, КМВА – “Истиқлол” бо ҳисоби якхелаи 1:1 ба охир расид. Бозӣ миёни дастаҳои “Равшан”-и Зафаробод - “Регар-ТадАЗ” бо ҳисоби 0:0 анҷом ёфт. Дар як дидор “Истаравшан” бар “Файзканд” бо ҳисоби 1:0 ғолиб омад.
Дар ҳамин ҳол дар ҷадвали мусобиқоти лигаи олӣ «Истиқлол»-и Душанбе бо касби 39 имтиёз дар ҷойи аввал аст. “Хатлон”-и Бохтар ва «Равшан»-и Кӯлоб, ки 28-имтиёзӣ гирифтаанд, мутаносибан дар ҷойҳои дувуму севум қарор доранд.
Давраи севуми қаҳрамонии футболи Тоҷикистон миёни дастаҳои лигаи олӣ имсол дар шакли нав сурат мегирад. Дар ин марҳила дастаҳо ба ду гурӯҳ тақсим мешаванд. Имтиёзҳои дар давраҳои якуму дувум гирифташуда ҳифз мегардад.
Аз рӯи натоиҷи ду марҳилаи гузашта панҷ дастаи беҳтарин дар гурӯҳи “А” дар як давра бозӣ карда, дар ҷадвали мусобиқот ҷойҳои аз 1-ум то 5-умро ишғол мекунанд. Инҳо дастаҳои “Истиқлол”, “Хатлон”, “Равшан” (Кӯлоб), “Хуҷанд” ва КМВА мебошанд.
Панҷ дастаи боқимонда – “Истаравшан”, “Файзканд”, “Эсхата”, “Равшан” (Зафаробод) ва “Регар-ТадАЗ” - дар гурӯҳи «В» дар як давра бозӣ карда, ҷойҳои аз 6-ум то 10-умро ишғол менамоянд ва барои нигоҳ доштани мавқеашон дар лигаи олӣ талош меварзанд.
Ду дастае, ки дар ҷадвал ҷойҳои охирро мегирад, ба лигаи аввал мегузарад. Дар маҷмӯъ, ҳар даста дар мусобиқоти имсолаи қаҳрамонии Тоҷикистон 22 бозӣ анҷом медиҳад.
Мусобиқоти қаҳрамонии Тоҷикистон-2022
Лигаи олӣ
Даври 18-ум
«Равшан» (Зафаробод) – «Регар-ТадАЗ» - 0:0
Беҳтарин бозигари дидор: Фатҳулло Фатҳуллоев («Регар-ТадАЗ»).
21 октябр. Хуҷанд. Варзишгоҳи «Спартак», 600 тамошобин.
«Хуҷанд» – «Эсхата» - 1:1
Голҳо Ҷаҳонгир Эргашев, 41 (1:0). Мубинҷон Муъминов, 84 (1:1).
Беҳтарин бозигари дидор: Ҷаҳонгир Эргашев («Хуҷанд»).
22 октябр. Хуҷанд. Варзишгоҳи «20-солагии Истиқлолияти Тоҷикистон», 2500 тамошобин.
«Равшан» (Кӯлоб) – «Хатлон» - 1:1
Голҳо: Нуриддин Ҳамроқулов, 22 (0:1). Комрони Мирзохон, 43 (1:1).
Беҳтарин бозигари дидор: Комрони Мирзохон («Равшан»).
23 октябр. Рӯдакӣ. Варзишгоҳи «Нефтяник», 500 тамошобин.
«Истаравшан» – «Файзканд» - 1:0
Гол: Ҷавоҳирбек Расулов, 76
Беҳтарин бозигари дидор: Мирзоҳидҷон Ҷалилов («Истаравшан»).
23 октябр. Истаравшан. Варзишгоҳи марказӣ, 5000 тамошобин.
КМВА – «Истиқлол» - 1:1
Голҳо: Иззатулло Рӯзиев, 30 (1:0). Манучеҳр Ҷалилов, 62 – аз пеналти (1:1).
Беҳтарин бозигари дидор: Сергей Доронин (КМВА).
23 октябр. Душанбе. Варзишгоҳи КМВА-и Вазорати мудофиаи ҶТ, 250 тамошобин.
Мавқеи дастаҳо дар ҷадвали мусобиқот
|
Ҷ |
ДАСТАҲО |
Б |
Ғ |
М |
Б |
Т |
И |
|
1 |
«Истиқлол» (Душанбе) |
18 |
11 |
6 |
1 |
38-11 |
39 |
|
2 |
«Хатлон» (Бохтар) |
18 |
7 |
7 |
4 |
16-11 |
28 |
|
3 |
«Равшан» (Кӯлоб) |
18 |
7 |
7 |
4 |
20-17 |
28 |
|
4 |
«Хуҷанд» (Хуҷанд) |
18 |
7 |
6 |
5 |
21-13 |
27 |
|
5 |
КМВА (Душанбе) |
18 |
7 |
4 |
7 |
22-24 |
25 |
|
6 |
«Истаравшан» (Истаравшан) |
18 |
6 |
4 |
8 |
18-29 |
22 |
|
7 |
«Файзканд» (Восеъ) |
18 |
6 |
4 |
8 |
23-19 |
22 |
|
8 |
«Эсхата» (Хуҷанд) |
18 |
5 |
5 |
8 |
22-29 |
20 |
|
9 |
«Равшан» (Зафаробод) |
18 |
4 |
7 |
7 |
19-34 |
19 |
|
10 |
«Регар-ТадАЗ» (Турсунзода) |
18 |
3 |
4 |
11 |
13-25 |
13 |