Аз 14-ум то 18-уми сентябр дар Душанбе мусобиқаи интихобии Ҷоми Осиё-2023 дар гурӯҳи «I» баргузор мешавад, ки дар он дастаҳои мунтахаби ҷавонони то 20-солаи футболи Тоҷикистон, Сингапур, Лубнон ва Камбоҷа иштирок мекунанд.
Мунтахаби ҷавонони Тоҷикистон (U-20) бо роҳбарии сармураббӣ Аҳлиддин Турдиев дар марҳилаи интихобии Ҷоми Осиё-2023 дар гурӯҳи «I» 14-уми сентябр бо Сингапур, 16-уми сентябр бо Лубнон ва 18-уми сентябр бо Камбоҷа бозӣ хоҳад кард. Ҳамаи бозиҳо дар Варзишгоҳи марказии Душанбе доир мегарданд. Бозиҳо бо иштироки мунтахаби ҷавонони Тоҷикистон соати 20:00 оғоз меёбанд.
Ба марҳилаи ниҳоии Ҷоми Осиё-2023 миёни дастаҳои мунтахаби ҷавонони то 20-сола, ки аз 1-ум то 18-уми марти соли оянда дар Узбекистон барпо мегардад, ғолибони даҳ гурӯҳи интихобӣ ва панҷ тими беҳтарини ҷойҳои дуюм роҳ меёбанд.
Мусобиқаи интихобии Ҷоми Осиё-2023 миёни дастаҳои мунтахаби ҷавонони то 20-сола
Гурӯҳи «I»
Иштироккунандагон: Тоҷикистон, Камбоҷа, Лубнон, Сингапур.
Даври 1-ум
14 сентябр (чоршанбе)
17:00 – Камбоҷа – Лубнон
20:00 – Тоҷикистон – Сингапур
Даври 2-юм
16 сентябр (ҷумъа)
17:00 – Сингапур – Камбоҷа
20:00 – Лубнон – Тоҷикистон
Даври 3-юм
18 сентябр (якшанбе)
17:00 – Лубнон – Сингапур
20:00 – Тоҷикистон – Камбоҷа
Эзоҳ: ҳамаи бозиҳо дар Варзишгоҳи марказии Душанбе баргузор мешаванд.