Лигаи футболи Тоҷикистон санаи баргузории бозиҳои даври чорякниҳоии Ҷоми Тоҷикистон-2022-ро тасдиқ кард.
Рӯзи шанбеи 27-уми август дастаи «Файзканд»-и Восеъ бо «Кӯктош»-и Рӯдакӣ бозӣ мекунад. Се бозии дигари чорякфинал 28-уми август баргузор мешавад. Рӯзи якшанбе «Эсхата»-и Хуҷанд бо КМВА (Клуби марказии варзишии артиш)-и Душанбе, «Саройкамар»-и Панҷ бо «Хатлон»-и Бохтар ва «Истиқлол»-и Душанбе бо «Равшан»-и Кӯлоб бозӣ мекунанд.
Бозиҳои даври чорякниҳоии Ҷоми Тоҷикистон-2022 аз як бозӣ иборат аст. Дар сурати мусовӣ анҷом ёфтани замони асосии дидор, ду қисми иловагии 15-дақиқаӣ таъйин карда мешавад. Агар дар ин муддат ҳам ғолиб маълум нашавад, онгоҳ бар асоси муқаррароти FIFA (Федератсияи байналмилалии футбол) ғолиб аз рӯи силсилаи зарбаҳои 11-метрӣ муайян хоҳад шуд.
Ҷоми Тоҷикистон-2022
Даври чорякниҳоӣ
27 август (шанбе)
Оғози бозӣ – соати 16:00
«Файзканд» – «Кӯктош»
Рудакӣ, варзишгоҳи «Нефтяник»
28 август (якшанбе)
Оғози бозӣ – соати 16:00
«Эсхата» – КМВА
Хуҷанд, варзишгоҳи «Спартак»
«Саройкамар» – «Хатлон»
Панҷ, Варзишгоҳи марказӣ
Оғози бозӣ – соати 18:30
«Истиқлол» – «Равшан» (Кӯлоб)
Душанбе, Варзишгоҳи марказии ҷумҳуриявӣ
Мусобиқа барои Ҷоми Тоҷикистон бори 30-юм баргузор шудааст. Ҳамагӣ даҳ даста барандаи Ҷом гардидааст. Аз ҳама бештар – ҳашт бор - “Истиқлол” Ҷоми Тоҷикистонро ба даст овардааст. “Регар-ТадАЗ”-и Турсунзода шаш бор, “Хуҷанд” панҷ бор, “Вахш”-и Қӯрғонтеппа (феълан «Хатлон»-и Бохтар), “Варзоб”-и Душанбе, “Парвоз” (собиқ “Авиатор”)-и Бобоҷон Ғафуров ва “Равшан”-и Кӯлоб дуборӣ, “Помир”-и Душанбе, “Ситора”-и Душанбе ва “Пахтакор”-и ноҳияи Ҷаббор Расулов якборӣ Ҷоми Тоҷикистонро соҳиб гаштаанд.
Натиҷаҳои ҳамаи бозиҳои ниҳоии Ҷоми Тоҷикистон (1992 – 2021):
1992 – «Помир» (Душанбе) – «Регар» (Турсунзода) – 1:0
1993 – «Ситора» (Душанбе) – «Равшан» (Кӯлоб) – 0:0. Аз рӯи пеналтӣ – 5:3
1994 – «Равшан» (Кӯлоб) – «Шодмон» (Ҳисор) – 2:1
1995 – «Пахтакор» (Ҷаббор Расулов) – «Регар-ТадАЗ» (Турсунзода) – 0:0. Аз рӯи пеналтӣ – 3:2
1996/1997 – «Вахш» (Қӯрғонтеппа) – «Хуҷанд» (Хуҷанд) – 4:0
1997/1998 – «Хуҷанд» (Хуҷанд) – «Ранҷбар» (Восеъ) – 2:1
1998 – «Варзоб» (Душанбе) – «Хуҷа Каримов» (Ғозималик) – 3:1
1999 – «Варзоб» (Душанбе) – «Регар-ТадАЗ» (Турсунзода) – 0:0. Аз рӯи пеналтӣ– 4:2
2000/2001 – «Регар-ТадАЗ» (Турсунзода) – «Варзоб» (Душанбе) – 4:2
2001/2002 – «Регар-ТадАЗ» (Турсунзода) – «Хуҷанд» (Хуҷанд) – 3:1
2002 – «Хуҷанд» (Хуҷанд) – «Вахш» (Қӯрғонтеппа) – 3:0
2003 – «Вахш» (Қӯрғонтеппа) – «Олимп-Ансол» (Кӯлоб) – 3:1
2004 – «Авиатор» (Бобоҷон Ғафуров) – «Ӯротеппа» (Истаравшан) – 5:0
2005 – «Регар-ТадАЗ» (Турсунзода) – «Вахш» (Қӯрғонтеппа) – 1:1. Аз рӯи пеналтӣ – 3:1
2006 – «Регар-ТадАЗ» (Турсунзода) – «Хима» (Душанбе) – 2:1
2007 – «Парвоз» (Бобоҷон Ғафуров) – «Хима» (Душанбе) – 1:0
2008 – «Хуҷанд» (Хуҷанд) – «Энергетик» (Душанбе) – 2:1
2009 – «Истиқлол» (Душанбе) – ССКА «Помир» (Душанбе) – 3:1
2010 – «Истиқлол» (Душанбе) – «Хуҷанд» (Хуҷанд) – 5:0
2011 – «Истиқлол» (Душанбе) – «Регар-ТадАЗ» (Турсунзода) – 0:1
2012 – «Истиқлол» (Душанбе) – «Регар-ТадАЗ» (Турсунзода) – 1:1. Аз рӯи пеналтӣ – 5:6
2013 – «Истиқлол» (Душанбе) – «Регар-ТадАЗ» (Турсунзода) – 2:0
2014 – «Истиқлол» (Душанбе) – «Регар-ТадАЗ» (Турсунзода) – 5:2
2015 – «Истиқлол» (Душанбе) – «Регар-ТадАЗ» (Турсунзода) - 2:2. Аз рӯи пеналтӣ – 6:5
2016 – «Истиқлол» (Душанбе) – «Ҳосилот» (Фархор) - 2:2. Аз рӯи пеналтӣ – 3:2
2017 – «Истиқлол» (Душанбе) – «Хуҷанд» (Хуҷанд) – 0:2
2018 – «Истиқлол» (Душанбе) – «Регар-ТадАЗ» (Турсунзода) – 1:0
2019 – «Истиқлол» (Душанбе) – «Регар-ТадАЗ» (Турсунзода) – 1:1. Аз рӯи пеналтӣ - 4:2.
2020 – «Равшан» (Кӯлоб) – «Хатлон» (Бохтар) – 1:0.
2021 – «Истиқлол» (Душанбе) – «Хуҷанд» (Хуҷанд) – 0:2